2014
Ana Mwakuri Iesu Kristo ae Tabu: Te Tia Ibuobuoki
June 2014

Te Rongorongo ni Kaakawari n Reirei, Tuun 2014

Ana Mwakuri Iesu Kristo ae Tabu: Te Tia Ibuobuoki

Tataro mwaaka ibukin te beeba aei ao ukoukoria bwa ko na ata te bwai ae ko na tibwauaia. E na kanga ataakin maiun ao mwiokoan te Tia Kamaiu ni kakorakora am onimaki Irouna ao ni kakabwaiaia naake ko tararuaia rinanon te kakawari n reirei? Ibukin rongorongona riki tabeua, nakon reliefsociety.lds.org.

Onimaki, Utu, Buoka

Ngkai ti ibuobuoki ibukiia tabeman, ti riki bwa taan irira Iesu Kristo aika koaua, ake a tia ni katea te katoto ibukira. E taku Beretitenti Thomas S. Monson said: “Ti katobibiaki irouia naake a kainnanoa te buoka. … Bon ngaira bain te Uea ikai iaon te aonaaba, ma te mwiokoaki bwa ti na beku ao ni uotiia rake natina.”1

E reirei Linda K. Burton, te beretitenti ni kabuta n te Botaki n Aine: “N irianaki ma te kataneiai, ngaira n tatabemaniira nako ti kona n riki n ai aron te Tia Kamaiu ngkai ti beku ibukiia natin te Atua. Ni buokiira raoi [n ibuobuoki ibukin] temanna ma temanna, I kan maroroakin aua taeka aika a na uringaki: ‘Te moan taraia, imwiina karaoa te beku.’ … Ngkana ti karaoia, ti kawakin ara berita aika tabu, ao ara mwakuri n ibuobuoki, n aron Beretitenti Monson, kakoauan ae ngaira ana reirei te Uea.”2

Ti kona n tataro ni katoa moaningabong ni kinai taai ni kakabwaia ni beku ibukiia tabeman. “E na kairiiriko te Tama are i Karawa, ao anera a na kataia ni buokiko,” e taku David L. Beck, te beretitenti ni kabuta ibukiia Kairake n Ataenimwaane. “Ko na anganaki te mwaaka ni kakabwaiai maiu ao ni kamaiuia aomata.”3

Man Koroboki aika tabu

Mataio 20:25–28; 1 Nibwaai 11:27–28; 3 Nibwaai 28:18

Man Rongorongora

N te maungatabu ni kabuta ae boo n Okitobwa 1856, Beretitenti Brigham Young (1801–77) e katanoata bwa bwaeoniia ma aia aenikaa a tabe n rinanon te United States (nako Utah) ao aomata nako a na ibuobuoki ni ikotii bwaai ibukiia n te tai ae waekoa. E koroboki Lucy Meserve Smith bwa aine “a butii aia kunnikai [kunnikai n aine aika bubura], titaokin, ao bwaai nako ake a kona n anga, ikekei inanon te Tabaenaeko, ao ni kauataoi [baikanne] inanon te waekon ibukin uouotakin bwai.”

Ngke a moanna n roko taan kamaiuaki aika bwaeoniia i Salt Lake City, e koroboki Lucy, “I tuai ni uota riki ae bati … kakukurein te mwakuri are I a tia ni karaoia inanon maiu, n aron ae iai namakinan te katiteuanaaki ibuakoia aomata. I a bon tii nakon te titoa ni kaoti baike I kainnanoi (bwa I aonga ni buokiia bwaeoniia ake a na kamaiuaki), ngkana bon te kunnikai ae I kainnanoia, ao e na iaatinaki te kunnikai anne, e koreaki, ao I anganaki n akean boona.”4

Beretitenti George Albert Smith (1870–1951) e taekina te ibuobuoki ibukiia tabeman: “Kukureira ae akea tokina e na boraoi raoi ma te kawai are ti kabanei nanora iai ni buokiia tabeman.”5

Iangoa Aei

  1. E kanga te tataro ni kairiira n riki bwa bwaai ni mwakuri ni bain te Uea?

  2. E kanga te ibuobuoki ibukiia tabeman ni buokiira ni kawakin ara berita aika tabu?

© 2014 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/14. Kariaiakaki rairana: 6/14. Rairan teVisiting Teaching Message, June 2014. Kiribati. 10866 859

Bwai aika a na taraki

  1. Thomas S. Monson, “What Have I Done for Someone Today?” Liahona, Nobembwa. 2009, 86.

  2. Linda K. Burton, “Te Moan Taraia, Imwiina karaoa te Beku,” Liahona, Nobembwa. 2012, 78, 80.

  3. David L. Beck, “Your Sacred Duty to Minister,” Liahona, Meei 2013, 56.

  4. Lucy Meserve Smith, n Naati Aine n Abanueau: Rongorongon ao Ana Mwakuri te Botaki n–Aine (2011),36–37.

  5. George Albert Smith, n Naati Aine n Abanueau, 77.