Para sa Gagmayng mga Bata
Ang Nindot nga Ideya ni Will
Ang tagsulat nagpuyo sa Pennsylvania, USA.
Si Will gusto og litrato sa templo. Gusto siya ibutang kini sa iyang kwarto. Nakadungog siya sa propeta nga nag-ingon nga nindot kini nga ang tanan dunay usa.
“Mama, nakakuha ka na ba og litrato sa templo alang nako?” Nangutana si Will.
“Wala pa,” miingon si Mama. Busy siya sa pag-atiman sa bag-ong batang masuso.
“OK,” miingon si Will.
Ganahan si Will sa templo. Nasayud siya nga kini usa ka espesyal nga dapit diin ang mga pamilya ma-sealed.
Gibati og gamay nga kasubo si Will. Busy kaayo si mama. Unsaon niya nga makakuha og litrato sa templo?
Dayon dunay nindot nga ideya si Will. Dili na siya maghulat pa ni Mama!
Midagan si Will sa pagpangita sa iyang mga krayola ug papel. Dayon milingkod siya sa iyang lamesa ug nagsugod sa pag-drowing.
Human sa taas-taas nga higayon, gibutang ni Will ang iyang mga krayola. Midagan siya ngadto sa kusina ug gipakita ang litrato ngadto sa iyang Mama.
“Pagkanindot nga litrato sa templo,” miingon si Mama.
“Tana atong ibitay sa akong kwarto,” miingon si William.
“Nindot kana nga ideya!” miingon si Mama.
paghulagway pinaagi ni Thomas S. Child