Jodikdik ro
Imaron̄ Ke Ajeje juon Bok in Mormon?
Rijeje eo ej jokwe ilo Washington, USA.
Ilo iiō eo aō kein kajuon ilo high jikuuļ, rūkaki in jemenere eo aō eaar ba bwe kūlaaj eo aō en leļo̧k kape in Bok in Mormon eo n̄an ro m̧ōttam̧ rejjab membōr. Men̄e eaar lukkuun ļap aō pikōt, iaar bōk kūr in.
Eaar bōk eō jet raan ko n̄an kōļapļo̧k aō peran, bōtaab eaar jab etto iaar leļo̧k n̄an eo m̧ōtta Britny bok eo ilo awa in m̧ōn̄ā in rālep eo im kwaļo̧k juon naan in kam̧ool ekadu. Britny eaar kam̧oolol eō kōn bok eo.
Ilo jem̧ļo̧kin iiō in jikuuļ eo, Britny eaar em̧m̧akūt, ak kōm̧ro eaar maron̄ wōt kōnono ippān doon. Eaar jiron̄ eō kōn jikuuļ kāāl eo an im ekōjkan an aolep ro m̧ōttan raar membōr in Kabun̄ in, ak eaar jab kōnono kōn jabdewōt men ko an jetōb ippa.
Menin eaar oktak m̧okta jen aō ilo̧k n̄an mijen eo aō. Iaar bōk juon ennaan jān Britny ej ba bwe eaar wōr nuuj ko rem̧m̧an n̄an n̄a: eaar itōn peptaij, im eaar kōņaan kam̧oolol eō bwe imaron̄ erom̧ jeran im kōm̧m̧ane juon waanjon̄ok em̧m̧an.
Anij eaar bōk juon ļaddik 15 an iiō eo ejookok eo ejjeļo̧k an imminene im tōl e n̄an kwaļo̧k ko̧jpeļ eo ñan juon eo Ejeļā enaaj bōke. Ijeļā bwe ilo ad ron̄jake Jetōb eo, jemaron̄ aolep lo armej ro ipeļaakid ro rej kōttar wōt in katak kōn ko̧jpeļ eo em̧ōj an jepļaaktok. Ijeļā bwe eļan̄n̄e jenaaj jipan̄ bōktok men̄e juon armej n̄an Irooj, ad lan̄lōn̄ enaaj ļap ippān armej eo ilo aelōn̄ in kiin̄ eo an Jemen! (laleD&C 18:15).