Kairake
I Kona n Tibwaua Ana Boki Moomon?
E maeka te tia korokaraki i Washington, USA.
Inanon au moan ririki n te reirei ae rietata, au tia reirei n te tieminari e kaoa au kiraati bwa a na anga kaobiin ana Boki Moomon nakoia raaora aika tiaki kaain te Ekaretia. E ngae ngke I rangin ni mama, I kariaia te kakao.
I kabanea tabeua te bong ni karikirakea ninikoriau, ma I angan raoraou ae Britny te boki n tain te motirawa ni katawanou ao ni kaota au koaua ae uarereke. E karabwaai Britny ibukin te boki.
N tokin te ririki n te reirei anne, e mwaing Britny, ma ti teimatoa n reitaki. E tuangai rongorongon ana reirei ae boou ao a kanga angiia raoraona n riki bwa membwa n te Ekaretia, ma e aki kona n taekina te bwai ae kaineti ma te maiu n tamnei ma ngai.
E bitaki anne imwain ae I kitana au mition. I karekea te rongorongo mairoun Britny are e taekinna bwa iai ana rongorongo ae kakawaki ibukiu: e nang bwabetitoaki, ao e tangiria ni karabwaai ibukina bwa e a tia n riki bwa raoraona ao ni kaota te katoto ae tamaroa.
Te Atua e ana te ataeinimwaane ae 15-ana ririki ae mamaama ae akea ana atatai n te mwakuri ni mitinare ao n tuangnga bwa e na tibwaua te euangkerio ma temanna ae E ataia ae e na butimwaia. I ata anne man au kakauongo nakon te Tamnei, ti kona ni kabane ni kakaia aomata irarikira aika a tataninga ni kan reirei taekan te euangkerio ae kaokaki. I ataia bwa ngkana ti buoka ni uota tao temanna te aomata nakon te Uea, kimwareireira e na korakora ma te aomata anne n abanuean Tamara (tara D&C 18:15).