E mau api itenati sotiare tei hamanihia na te feia faatere o te Ekalesia
Ua hamani te Ekalesia i te tahi mau api itenati sotiare, api haamanahia e te Ekalesia, na te mau melo no te Peresideniraa Matamua e te Pŭpŭ no te Tino Ahuru Ma Piti Aposetolo i ni‘a i te faanahoraa Facebook e Google plus. E riro teie mau api i te faati‘a i te mau Taea‘e ia faa‘ite i te parau no ratou i ni‘a i te mau rave‘a sotiare a te Itenati, e na ratou iho e faatere i teie mau api na roto i te mau rave‘a a te Ekalesia.
E roaa te mau api Facebook e Google Plus na roto i te imiraa i ni‘a ia facebook.com/lds e ia plus.google.com. No te faataa e, e tahua itenati sotiare anei tei hamanahia e te Ekalesia, a imi i te hoho‘a tapa‘o no te Ekalesia.
Ratou tei haere i ni‘a i teie mau api, e farii tamau atu ratou i te tahi mau parau apî no ni‘a i te taviniraa o te Taea‘e tata‘itahi. « E tuu atu te Ekalesia i te mau hono no te mau aʻoraa, te mau parau veʻa, te mau video e te mau mea e au ia ratou », te na ô ra o Dale Jones, e taata afaʻi parau na te Ekalesia.
Na roto i teie mau api, e ite ohie a‘e te taata i te mau parau a te mau peropheta ora, e na roto i te « auraa » i teie mau api, e riro te mea i ni‘a i teie api i te ô i roto i te mau parau au no Facebook, ua nehenehe atura ïa te reira ia hi‘o-ohie-hia e ia faa‘ite-ohie-hia i te tahi atu taata.
Te hamaniraa i te mau api tei hamanahia e te Ekalesia, e tauturu te reira i te mau melo ia faataa eaha mau te mau api na te Ekalesia, e ore atura ïa te mau taata e haavarehia na roto i te tahi mau api.