Jodikdik ro
Em̧m̧akūt kōn Tōmak
Rijeje eo ej jokwe ilo North Carolina, USA.
Ij jamin meļo̧kļo̧k aō etetal meļaaj in Winter Quarters, Nebraska, USA, ijo paineer ro raar jokwe ie m̧okta. Meļaaj in maron̄ en̄jake an ekwojarjar, enan̄in wōt n̄e iaar loļo̧k inamōj in juon tampeļ.
Meja eaar obrak kōn dān in kōmjaļaal, rej kōtab meja. Iaar lo juon ekjab ak eaar jab alikkar loe. Ke ij iri dān in kōmjaļaal ko jen meja, iaar lo juon em̧m̧aan im juon kōrā mejāer raar obrak kōn būrom̧ōj. Ke ij kepaakļo̧k, iaar loe jekjek in juon nin̄nin̄ ej babu ilo juon lōb ilo neer.
Ijin eaar kobrak eō kōn elōn̄ en̄jake ko: būrom̧ōj, illu, kam̧oolol, im lan̄lōn̄. Iaar kōņaan in joļo̧k metak eo Armej ro Rekwojarjar raar en̄jake, ak iaar kam̧oolol ejja iien eo wōt kōn ta eo raar kaarmejete n̄an ko̧jpeļ eo.
En̄jake eo aō ilo Winter Quarters raar jipan̄ eō kile bwe Jemedwōj Ilan̄ ej letok ko̧jpeļ eo n̄an ajri ro Nejin im kōtļo̧k n̄an er anemkwoj eo n̄an kōm̧m̧ani ippāer barāinwōt aer naaj. Ro jinen im jemān ļaddik eo me maron̄ kar kālet n̄an bōk juon iaļ epidodoļo̧k. Ļoor rikanaan eo im mour kōn ko̧jpeļ eo ej kōkarbabe paineer rein n̄an wōnm̧aanļo̧k wōt men̄e ej meļeļein kalbwini ajri ro nejier. Ak raar kālet n̄an bōk ko̧jpeļ eo ilo mour ko aer im errā kōn apan̄ ko ie. Iaar ekkatak bwe an Armej ro Rekwojarjar wujlepļo̧k n̄an ko̧jpeļ eo im aer lōke n̄an wōnm̧aanļo̧k wōt eaar em̧m̧akūt kōn tōmak im kōjatdikdik—kōjatdikdik kōn juon ilju im jekļaj eo em̧m̧an im tōmak bwe Irooj ejeļā kajjeer im kadikļo̧k metak eo aer.