Mwet Fuhsr
Nuhnak Muhnahs Onwelah Insiyuck
Ke yac se ke misac luhn tamuhlwel se wiyuck ah, nga nuhnkuh ke moul luhk ke el misac ah. Nga tiac esam muhkwena kweok yohk nga puhlakihn ah tuhsruhk mwe insewowo pac ma God el use nuh sihk ah.
Nga tiacna kahlwem ke ohiyac ma mwet uh kuh in fahk lah misac luhn sie mwet luhngse kuh in use mwe insewowo uh. Nga tiac kuh in kahlwem kac lah ngwac engan ac tarilacna fuhkah ke sie ma ma ahkngalyeyuc arlac loal. Oasr sie fong, ke ma inge, ma ekuhllah nuhnak luhk uh nohfohn.
Nga tuhkahkwek ke tacfuhn fong uh ke inse toasr nga tuhfahna puhla. Kweok uh nwekyuclac. Nga puhtati nuh intwek ac tuhngiyac sie pruhe nuh sin Pahpah tuhmuhk Inkuhsrao. Ke moul luhk nohfohn lutiyuck nga ke Iwaclah ac mwenmwen ke kuh in onwelah luhn Jisus Kraist. Ingena luhlahlfongi luhk uh srihkeyuck. Yac nga luhlahlfongi na pwacye? Nga siyuck sin Pahpah tuhmuhk Inkuhsrao in nuhnak muhnahs onwelah insiyuck. Kweok kac uh arlac upac nuh sihk in muhkwena puhlakihn.
Na sie puhla ke mihs, ahkwoye, ac luhngse nwacklah monuk nohfohn. Nga puhla oacna God elan puhnlah pahol rauniyucyak ac karihngihnyucyang liki kweok upac nga puhlakihn ah. Nga srwackna ahsrwellah tamuhlwel se wiyuck ah, tuhsruhk nga kuh in liye ke siena ahtron muhta. Arlac yohk ma nuh sihk in luti ke puhlakihn se inge.
Nga etuh lah luhngse ac mihs luhn Leum uh oasr. Kuht enenuh muhkwena in ipeis.