2013
Eklac nuh sin Leum
February 2013

Pweng ke Forfor Luti, Fepweri 2013

Eklac nuh sin Leum

Lutlutkihn kuhfa inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an. Nuh ke kuhtuh pac ma in etuh, som nuh ke www.reliefsociety.lds.org.

Petsac
Akucl luhn Rilif Sosaiti

Luhlahlfongi, Sucu, Kahsruh

Tahmtahel sasuc ke Alu uh—weacng Muhtwacn Fuhsr welah Rilif Sosaiti, tahmtahel ma fohlohkoh nuh ke mukwikwi, ac mwet etahwi sasuc an—enenuh ahkkweye ac akawucki luhn mwet forfor luti an. “Wi luhn mempucr pa yohk srihpac emet in ekuhllah mwet muhtana ac in fohlohkohnma mempucr suhkwac alu in fokokoi,” Elder M. Russell Ballard ke U luhn Mwet Sap Singucul Luo el fahk. “Sruokyac aruhrruhma se ma Rilif Sosaiti … kuh in eklac [sie sin] mwe kahsruh ke akwucki fokoko emet lasr ke Alu uh. Saplakyang nuh selos suc lutiyuck ac sifil fohlohk, ac luhngse elos nuh ke Alu uh ke u lowos an.”1

In oacna mempucr ke Rilif Sosaiti, kuht kuh in kahsruh mempucr sasuc uh in luti ahkpah fihsrwacsr ke Alu uh, ma oacna:

  • Oruh sie sramsram.

  • Oruh fahkwack luhlahlfongi la.

  • Moulkihn masap ke lalo.

  • Moli sie tahfuh singucul ac mwe sang sahyac an.

  • Wi orekma ke sramsram mahtuh luhn sucu.

  • Oruh pacptais ac ahkkweyeyuck nuh sin mwet mahtuh misac lalos an.

“Ac oruh sie kawuck lohacng in oruh mempucr sasuc an in puhla wo ac painyuck ke alu ah,” Elder Ballard el fahk.2 Kuht nuh kwewa, tuhsruhk yohkna mwet forfor luti an, oasr kunohkohn yohk srihpac la in orwaclah akawucki uh yurin mempucr sasuc uh ke sie inkacnek in kahsrwelos in kuh ke “eklac nuh sin Leum uh” (Alma 23:6).

Ke Ma Suhmuhslah uh

2 Nephi 31:19–20; Moroni 6:4

Ke Sramsram Mahtuh Lasr

“Ke pihsen mwet eklac uh yohkwelihk pacl nuh kwewa,” Prestuhn Gordon B. Hinckley (1910–2008) el fahk, “kuht enenuh in orwaclah sie kuh yohk srihpac in kahsrwelos ke elos sokwack inkacnek lalos uh. Mwet nuh kwewa selos enenuh ma tolu: sie kawuck, sie kunohkohn, ac ahkkweye ke ‘kahs wo luhn God’ (Moroni 6:4).”3

Mwet forfor luti uh oasr ke sie acn in kahsruh mwet elos karihngihn uh. Akawucki uh kwacna tuhkuh met, oacna ke sikyak nuh sin sie tahmtahel fuhsr ke Rilif Sosaiti suc pa mwet forfor luti luhn sie tahmtahel mahtuh. Elos suhmuhi in muhsahelah sie akawucki nuh ke elos tuhkweni orekma ke sie mukwikwi in ahknwacsnwacs. Elos kawuckyak, ac ke elos sramsramkihn Pweng luhn Mwet Forfor Luti uh, elos kwewana ahkkweyeyuck ke “kahs wo luhn God.”

Prestuhn Joseph Fielding Smith (1876–1972) el fahk lah Rilif Sosaiti “pa sie ip yohk srihpac ke tohkohsrahi luhn God fin facluh ac … kahsruh mempucr yohk luhlahlfongi la in eis moul ma pahtpaht ke tohkohsrahi luhn Pahpah tuhmasr.”4

© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/12. Ahkkweyeyucklac ke lweng: 6/12. Lwenglah luhn Visiting Teaching Message, February 2013. Kosraean. 10662 868

Mwe kahsruh

  1. M. Russell Ballard, “Members Are the Key,” Liahona, Sept. 2000, 18.

  2. M. Russell Ballard, Liahona, Sept. 2000, 17.

  3. Gordon B. Hinckley, “Every Convert Is Precious,” Liahona, Feb. 1999, 9.

  4. Joseph Fielding Smith, ke Daughters in My Kingdom: The History and Work of Relief Society (2011), 97.

Meac Nga Kuh In Oruh Uh?

  1. Yac nga pruhe ke wiyuc uh ac siyuck tuh Nguhn in fah kol kuht ke kuht luti tahmtahel wiyacsr uh?

  2. Inkacnek fuhkah ma kuht kuhlwacnsapuh kais sie tahmtahel ma kuht karihngihn uh elan etuh lah kuht luhngse el?