Naan in Katak an KŌRĀ, Jānwōde 2013

Jerbal in Mijenede

Lukkuun ekkatak katak in im, n̄e ekkar, kōnono kake ippān kōrā ro jeim ak jatim kwoj loļo̧k. Kōjerbal kajjitōk ko n̄an jipan̄ eok kōkkajoorļo̧k kōrā ro jeim im jatim, im n̄an kōm̧m̧an bwe Doulul eo an Kōrā en m̧ōttan eo emourur an mour eo am make. N̄an meļeļe ko reļļapļo̧k, etal n̄an reliefsociety.lds.org.

Pija

Jiiļ eo an Doulul eo an Kōrā

Tōmak, Baam̧le, Deeor

Armej ro Rekwojarjar ilo Raan-ko Āliktata rej wōnm̧aantak ilo iien in ejejjet an Irooj n̄an jerbal ilo jikin kallip eo An n̄an lo̧mo̧o̧r eo an jetōb ko an armej ro (lale D&C 138:56), eo ekitbuuj jerbal in mijenede. Jejjab aikuji juon kūr eo emālim an mijen n̄an kwaļo̧k gospel eo. Mour ko an ro jet naaj jeram̧m̧an kōn an gospel in ej jebooļe kōj, im ilo ad kōpooj kōj make, Irooj enaaj kōjerbal kōj. Rikūki ro rej loļo̧k m̧ōko an kōrā maron̄ dāpij wōt eddo ko aer rekwojarjar im jipan̄ bōktok jab wabanban im mour indeeo an armej (lale Moses 1:39).

Ke Rikanaan Joseph Smith eaar kajutak Doulul eo an Kōrā ilo 1842, eaar ba bwe kōrā ro raar jab wōt n̄an kōjparok rijeram̧ōl ak barāinwōt n̄an lo̧mo̧o̧ren jetōb ko.¹ En̄in ejja kōttōpar eo wōt ad.

“Irooj eo … ej letok juon naan in kam̧ool an m̧ool eo n̄an jabdewōt eo enaaj kwaļo̧ke ippān ro jet,” Būreejtōn Dieter F. Uchtdorf eaar ba, Rikakpilōklōk eo Kein Karuo ilo Būreejtōnji eo Kein Kajuōn. Irooj ej barāinwōt kōtmeneik kōj membōr ro an Kabun̄ eo An em̧ōj an jepļaaktok n̄an kōppeļļo̧k lo̧n̄iid ilo aolep iien im kwaļo̧k gospel eo An kōn lan̄lōn̄ (lale D&C 28:16). … Jet iien juon ennaan an naan in kam̧ool emaron̄ kōm̧m̧ane m̧akūtkūt ko ilo en̄jake ko remaron̄ jelōt mour an juon armej n̄an indeeo.²

Jān Jeje ko Rekwojarjar

Doctrine and Covenants 1:20–23; 18:15; 123:12

Jān Bwebwenato eo Ad

Bwebwenato eo an Olga Kovářová kar m̧okta Czechoslovakia ej juon waanjon̄ok an jerbal in mijenede jān bwebwenato an Doulul eo an Kōrā am. Ilo 1970 ko, Olga eaar juon doctoral rijikuuļ im kar lukkuun kwōle n̄an juon mour in jetōb em̧wilaļ. Eaar kile 75-iiō-rūttoon Otakar Vojkůvka, juon Armej Ekwojarjar ilo Raan-ko Āliktata. “Eaar waļo̧ktok n̄an eō jiljilimjuonn̄oul lalem iiō dettan ak ilo būruwōn eaar epaake jon̄oul ruwalitōk im obrak kōn lan̄lōn̄,” eaar ba. “Menin eaar lukkuun jeja ilo Czechoslovakia ilo iien jab in etarpok.”

Olga eaar kajjitōk ippān Otakar im baam̧le eo an ewi wāween aer kar lo lan̄lōn̄. Raar kwaļo̧k kadkad in n̄an membōr ro jet an Kabun̄ eo im kar leļo̧k n̄an e juon Bok in Mormon. Eaar itoklimo in riiti im eaar jab eto eaar peptaij im kapen. Jen iien eo Olga eaar juon kareel ekajoor im em̧m̧an ilo juon laļ, iktōltōl in kien eaar tōl, im kabun̄ ar jorrāān. Eaar jerbal āinwōt būreejtōn an Doulul eo an Kōrā ilo branch eo an edik im kar jipan̄ lo̧mo̧o̧ren jetōb ko an ro jet jen bōktok er n̄an Kraist.³

Ta Eo Imaron̄ Kōm̧m̧ane?

Ij ke ļoor im̧we ko an Jetōb Kwojarjar eo āinwōt aō kwaļo̧k naan in kam̧ool eo aō ippān kōrā ro jeiū im jatū ij loļo̧k?
Ewi wāween aō jipan̄ kōrā ro jeiū im jatū ro ij oņaaki n̄an katak gospel eo?

© 2013 jen Intellectual Reserve, Inc. Aolep Jim̧we ko rej pād ippān. Jeje ilo Amedka. Kōmālim ilo kajin Pālle: 6/12. Kōmālim an ukook: 6/12. Ukook eo an Visiting Teaching Message, January 2013. Marshallese. 10661 874