N na Karekea Ia te Kaeka?

Olga Ovcharenko, Sverdlovsk Oblast, Rutia

Ngke ai 21 au ririki, mitinare man Ana Ekaretia Iesu Kristo ni Boong Aika Kaitira a anga reirei n te kiraati n te taetae n imatang inanon au aono i Rutia. Ai tibwa moan rokou ibukin te reirei n te taetae, ma n te tai ae e aki maan I moanna n tiku ni maan ibukin kanan tamneira ake a tibwauaia unimwaane imwiin te kiraati ao n titirakiniia taian titiraki.

I a tia ni kaikawaaki n te aro ae te kabanea ni buubura i abau, ma iai au titiraki aika bati iaon te aro aika tuai kaekaaki. Mitinare ao aia membwa n aia Ekaretia iai aia kaeka nakon au titiraki are akea n taai aika a nako ni kona ni kaekai are N na rauaki iai.

Ma au namakin ae bati n ninikoria imwiin te kiraati n te Ingiriti, I butiia mitinare ibukin teuana aia boki, Ana Boki Moomon. Ma ngke I roko ni mweengau, I a katikua iaon te tabo ni boki.

E ngae n anne, e aki tiku ni maan ikekei. I a tia n ongo irouia membwa ake a iira te kiraati n te Ingiriti a taku bwa booki aika tabu iai kaekan kangaanga iai. Aingaia are ngkana I kaitibo ma kakaewenako ke kangaanga aika onoti nakoiu, I ana Ana Boki Moomon man ninnen booki ao ni moanna ni warekia. N taainako, I kunei kaeka—te aekaki ni kaeka aika tuangai raoi te bwai are I tangiria n ataia.

N te tai anne I a moanna n namakinna bwa I aki kona ni maiu n akea te Ekaretia. E bon mena te tabo are I tangiria iai. E bon mena n te tabo are I namakinna bwa I riai ni mena iai.

Ma, I tangiria ni kakoaua man butiian te Atua. Te kangaanga bwa I maeka n te ruu ae tii teuana are I tibwauaia ma te tia abaaba, te aine ae aaine, ao akea te tabo ae onoti ibukiu n tataro. Ma n te tairiki teuana I a rinnako inanon te uma ni kuka—e maenako teutana man angiin rabwatan mweengara—ao ni butiia Tamara are i Karawa ngkana te Ekaretia e bon koaua. I karekea te namakin ae korakora ni kaekaana bwa I ataia bwa tera ae I tangiria ni karaoia.

I bwabetitoaki n te tai ae e aki maan imwiina, ao au tai n riki bwa te membwa n te Ekaretia e a tia n riki bwa te kabanea ni kakukurei ni bongin maiu. Ike iai au titiraki ngkoa, ngkai I a tia ni karekei kaekaia. Ike I namakina te baki ngkoa, ngkai I a namakina te nuai.

I kakaitau bwa Tamara are i Karawa e a tia n aki katikuira n akea kaekakira irouna. I ataia bwa E na taetae nakoira, n uaia rinanon te tataro ao booki aika tabu.