Yut
Mama I Bin Sevem Mitufala
Taem mi bin gat sikis yia, smol sista blong mi mo mi i stap luk basketbol gem blong bigfala sista blong mitufala. Papa blong mitufala i bin gobak, mo afta mitufala i wantem blong go hom wetem hem, mekem se mitufala i ron biaen long hem long ren. Taem mitufala i no save faenem hem, mitufala i gobak long spot rum blong go hom wetem mama blong mitufala, be taem mitufala i kambak long spot rum, evriwan long bilding i go finis.
Mi tingbaot we mitufala i stanap tugeta long doa, mo traem blong mekem se mitufala i stap longwe long ren, mo prea se wan bae i kam. Afta mi tingbaot se mi bin harem doa blong red trak blong mifala i sat, mo mitufala i ron i go kolosap long saon ia. Afta wan long ol gudfala memori taem we mi smol i hapen: mama blong mitufala i bin holem mitufala long ol han blong hem “olsem wan faol i karem ol pikinini blong hem i kam andanit long ol wing blong hem” (3 Nifae 10:4). Mama blong mitufala i bin sevem mitufala, mo mi bin filim moa sef long taem ia bitim eni narafala taem.
Taem mi tingbaot paoa blong hem long mi, mi luk se laef blong mama blong mi i bin poenem mi i go long Sevya mo i bin soem long mi wanem i minim blong leftemap ol han we oli hang daon, mo mekem ol leg we oli no strong i kam moa strong (luk long D&C 81:5). Hem i bin dipen long Jisas Kraes, we i bin givim paoa “we i bitim blong hemwan” (“Lord, I Would Follow Thee,” Hymns, no. 220).