Me Bula Tikoga na Koniferedi ena Noda Bula ni Veisiga

Ko ni sa mai rogoca na itukutuku; ko ni sa vakila na Yalotabu; ko ni vakadeitaka mo ni muria na kena ivakasala. Ia ni sa mai oti na koniferedi raraba, ko ni na cakava vakacava me tiki tiko ni nomuni bula ena ono na vula ka tarava?

O ira na lewe ni Lotu e vuravura taucoko era na wasea yani na veika ena vukei ira me ra nanuma tiko ka vakayacora na itukutuku ni koniferedi raraba.

Me okati na koniferedi raraba ena nomuni bula ena veisiga yadua

Vakarogoca na vosa oqo ni ko vakaukauwa yago tiko, draiva, cakacaka, se vakarau ki na siga vou.

—James, Ontario, Canada

Me ra yadua na gauna o ira na lewe ni matavuvale me ra digitaka na vosa eso mo ni rogoca ena gauna ni katalau.

—Ashlee, Washington, USA

Sarava vakamatavuvale e eso na iwase ni koniferedi raraba ena Sigatabu.

—Grant, California, USA

Cakava me tiki ni lotu vakamatavuvale na veivosa oqo

Digitaka eso na itukutuku o ni gadreva mo ni raicalesu vakamatavuvale ka lesi ira kina na lewe ni matavuvale me ra veivakavulici kina ena lotu vakamatavuvale e tarava.

—Vern and Jennifer, Utah, USA

Wilika se sarava e dua na vosa ka vakaraica na lalawa eso mo ni cakacakataka vakamatavuvale.

—Tony, Arizona, USA

Vakayagataka na vosa oqori me vulici kina na ivolanikalou

Mo ni tuvanaka me wiliki na ivolanikalou ena mataka ka wiliki na vosa ni koniferedi ena yakavi.

—Diane, Washington, USA

Wilika e dua na vosa vei iratou na gone ena veibogi me italanoa ni vakarau moce.

—Heather, Utah, USA

Vakaraica na tiki ni ivolanikalou ena vosa yadua ni ko sa wilika oti na vosa oqori.

—Becky, Utah, USA

Makataka na veika kece era kerea tiko vei keda o ira na Vakaitutu Raraba meda cakava ka raica matua tiko me vakamuri na nodra ivakasala.

—Helen, Australia

Vuli ena ulutaga

Cakava e dua na lisi e salavata kei na ulutaga mai na koniferedi raraba ki na veika o ni gadreva me vakavinakataki ena nomuni bula. Vulica vakayadudua na ulutaga ni ko ni saga tiko mo ni vakatorocaketaki kemuni ni bera na koniferedi raraba ka tarava.

—Rebecca, Texas, USA

Raica vakatabakidua e dua na ulutaga ena gauna ni nomuni vuli ivolanikalou me vica na siga, se ena gauna ni lotu vakamatavuvale me vica na macawa.

—Francis, Nigeria

Wasea na itukutuku vei ira tale eso

Oka kina na veimalanivosa ni koniferedi raraba e tiko ena mekasini ni Lotu kei na veivola eso.

—Todd, West Virginia. USA

Vakayacora se lewena e dua na isoqosoqo ni ivola ni koniferedi raraba, ena komipiuta se vakataki iko ga. Ena veimacawa, mo ni vulica kina e dua na vosa ka gole yani ki na isoqosoqo ni ivola ka laki wasea kina na veiulutaga bibi.

—Stephanie, Utah, USA

[ena yaco mai na iloloma]