Jodikdik
Aō Make Bok in Mormon
Ilo kar O̧kwōj 2005, ke Būreejtōn Gordon B. Hinckley (1910–2008) kwaļo̧k juōn jipadpad n̄an ro uwaan Kabun̄ in n̄an riiti Bok in Mormon mokta jen jemļo̧kin iiō eo, iaar kalim̧m̧ur e n̄a make bwe inaaj riiti aolepen bok eo. Iaar im̧inene kōn bwebwenato ko ilo Bok in Mormon bōtaab iaar jab riiti aolepen bok in. Kiiō ij kōjparok aō kalim̧m̧ur.
Emōj aō kar katak n̄an bōk jeje ko rekwojarjar n̄an mour eo aō im kōm̧m̧an bwe ren aō make. Innām āinwōt aō kar riit, iaar jeje ilo lain ko ilo peij eo ta eo iaar ļōmn̄ak bwe ej unin kōnono eo an peij eo. Iaar barāinwōt kōkkaleik naan in kurup in naan ko āļiji n̄an kwalok kōļmenļo̧kjeņ ko raurōk.
Iaar likūt eta iturin āt ko ilo jeje ko rekwojarjar n̄an jipan̄ iō kemejmej bwe naan eo an Anij emōj kōnono kake n̄an ro jet ebarāinwōt maron̄ naan eo kar kōnono kake n̄an iō. N̄an waanjon̄ok, ilo 2 Nipai 2:28 Iaar jeiki eta: “Im kiiō, m̧aan ro nejū, ikōņaan bwe kom̧in reilo̧k n̄an Rijojomar ilo eļap, im eo̧ron̄ kien ko An rellap, im tiljek n̄an naan ko An.” Ilo an laplok aō kōm̧m̧an bwe Bok in Mormon en aō, eaar laplok aō m̧ōņōņō kōn aō riiti aolep raan.
Āinwōt Aō riiti aolep raan, jar ko aō rar oktak im un̄ur buruō im aō make make. Iaar barāinwōt maron̄ n̄an kōlmenļo̧kjen kōn kilaaj ko aō im loor unoojdikdik ko an Jetōb n̄an m̧ōtta ippān ro jet. Ilo Bon̄en eo āliktata ilo iiō eo, Iaar kadedeiklok Bok in Mormon.
Innem iaar meļeļe aurōkin riiti aolepen Bok in Mormon, ippānlok bar jet jeje ko rekwojarjar, im kōņaan bwe en laplok iien ko ilo mour eo aō.