Naan in Katak an Kōra, Juun 2010
Kōkāāl Bujen ko ilo iien Kwojkwoj eo
Katakin jeje kein rekwojarjar im ālij ko ak, eļan̄n̄e emenin aikuj, bar juōn pedped in katak eo me enaaj kōjeram̧m̧an jejtōr ro kwōj loļo̧k er. Kwaļo̧k am̧ naan in kam̧ool kōn katak eo. Karuwaineneik ro kwōj loļo̧k n̄an aer kwaļo̧k ta eo rej en̄jaake im kar katak.
Jisōs Kraist eaar Karōk Kwojkwoj Eo
“Jisōs ej bōk pilawā, im jar, im ruje, im leļo̧k n̄an ro rū kaļoran im ba ‘Kwom̧win bōke im m̧ōn̄ā’ (Matt. 26:26). ‘Men in āinbwinniō eo leļo̧k kōn kom̧; kom̧in kōm̧m̧an men in ilo ememej Eō’ Luk 22:19). Ilo ejja jekjek eo wōt eaar bōk kap in wain eo, im ilo manit kar kere kōn aibōj, im kwaļo̧k juōn kōjeram̧m̧an in kam̧oolol kake, im ajeje n̄an ro rej pād ipeļaakin, im ba: ‘Kab in kallim̧ur eo ekāāl ilo daō eo eto̧o̧r ļo̧k kōn kom̧,’ bwe men in daō in kallim̧ur, eo e to̧o̧r ļo̧k kōn elōn̄ n̄an juurļo̧k jero̧wiwi ko.’ ‘Kwom̧win kōm̧m̧an men in ilo ememej Eō.’ …
“Jen kar jekjek eo eaar waļo̧k ilo kar ruum̧ eo m̧oktak jen etal n̄an Gethsemane im Golgotha, a ro nejin kallim̧ur naaj watōk er ineen emōj aer pād iumin bujen n̄an kememej katok eo an Kraist ilo wāween in ekāāl, eutiejļo̧k, im ekwojarjar ļo̧k im an juōn make.”1
Eļtōr Jeffrey R. Holland eo an Doulul eo an Jon̄oul Ruo Rijjilōk Ro.
Jej Kōkāāl Bujen in Peptaij ko Ad jen Kwojkwoj Eo
“N̄e jej peptaij, jej bōk iood etan nejin Jisōs Kraist. Bōk iood Etan ej juōn iaan en̄jaake ko rem̧m̧an tata jej būki ilo mour. …
“Kajjojo wiik ilo iien kwelo̧k in kwojkwoj eo jej kalim̧m̧ur n̄an kememej mej im en̄taan eo an Rilo̧mo̧r eo ad ilo ad kōkāāl bujen peptaij eo ad. Jej m̧ōņōņō in bōk ioer etan Nejūm—, im kememej E iien otemjej, im kōjparok kien ko An ko Eaar liļo̧k n̄an er, bwe Jetōb eo An en maron̄ pād ippāer iien otemjej amen. Kōjeram̧m̧an eo jej bōke ilo an roolto̧k ej n̄an kememej aolep iien bwe Jetōb eo An en pād ippād.”2
Eļtōr Robert D. Hales jen Doulul eo an Jōn̄oul Ruo Rijillōk ro.
“Iaar pād ippān juōn leddik ruwalitōk an iiō ilo raan in peptaij eo an. Ilo jemļo̧k raan eo eaar ba kōn aolepen an lōke, ‛Em̧ōj aō peptaij iloan juōn raan, im ijan̄in jerawiwi juōn allen!’ Bōtaab raan eo em̧m̧an n̄an e eaar jab jemļo̧k n̄an indeeo, im ijeļā liin ej katak kio, āinwōt adwōj aolep katak, bwe jekdoon n̄e jej lukkuun in kajjieon̄, jejjab aolep iien eļļā jān wāween ko rejjab em̧m̧an, aolep kālet ko rebōd. …
“… Ej jab pidodo in kōm̧m̧an oktak ko rem̧ool jen kōj make. Kajoor eo ad im kōttōpar ko ad rem̧m̧an rej jab bwe. Eļan̄n̄e jej kōm̧m̧an bōd ko ak jab jim̧we ad kālet, jej aikuj jipan̄ eo an Rilo̧mo̧r n̄an kōrool kōj n̄an ial eo ej ejim̧we. Jej bōk koņaad ilo kwojkwoj eo wiik ālikin wiik n̄an kwaļo̧k ad tōmak ilo kajoor eo An n̄an ukōt kōj. Jej kwaļo̧k jerawiwi ko ad im kalim̧m̧ur n̄an meļo̧kļo̧ki.”3
Julie B. Beck, Būreejtōn eo eļap ilo Doulul eo an Kōrā.
© 2010 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin English: 6/09. Kōmālim n̄an ukōte: 6/09. Ukok eo an Visting Teaching Message, June 2010. Marshallese. 09366 874
Jipan̄ ko n̄an Naan in Katak ko an Kōrā
Ilo am̧ ito̧k n̄an jeļā juōn jejtōr im baam̧le eo an, pukōt wāween ko komaron̄ in jipan̄ e kōkāāl bujen ko an ilo iien kwojkwoj eo. Eļan̄n̄e ejjab pād ilo ien kwojkwoj, komaron̄ ke karuwāineneik e an pād ak leļo̧k jipan̄ n̄an e n̄an kōm̧m̧ane (ial, jipan̄ kōn ajri ro nejin, juōn mōttan n̄an jijjet turin, im ko jet)?
Kōppopo eo Ad make