“Kamwarakeia Au Tiibu”
Iriirai, ao kamwarakeia au tiibu (D&C 112:14).
“Iesu e tuanga Betero bwa e na kamwarakeia Ana tiibu. E karaoa anne Betero ni kaotia nakon Iesu bwa e tangiria.”
“Tinau, iai ana nanai n tiibu Iesu?”
“Akea, natiu. Iesu n tabetai e aranaki bwa te tia Kawakin Tiibu ae e Raoiroi, ao ti tebo ma ngaira Ana Tiibu. Iesu e reireina Betero bwa ngkana ti kan kaotia nakon Iesu bwa ti Tangiria, ti na riai ni buokiia tabemwaang.”
“Ngaia anne bukin ae tina nako nnikira te bwaai iroun Titita Jacobs imwiin te bootaki n utu n tairiki?”
“Eng, boni ngaia anne. Ma ena bon raoiroi riki ae kona iangoa te bwai teuana ae kona karaoia ni kaotia nakon Titita Jacobs ae ko tangiria.”
E iangoia Olivia bwa tera ae e kona ni karaoia. E uringa Tinana ao Tibuna Teunnaine are a tangira ana tamnei are e koreia.
“I ataia! I kona ni karaoa te kaati ibukin Titita Jacobs ao ni korea te tamnei iaona.!”
E a korea tamnein neiwirara ae e tamaroa Olivia. Inanon te kaati e a korea iaona, “Ko na marurung rimwi! Tangiriko, Olivia.”
Ngke a roko Olivia ao ana utu n ana auti Titita Jacobs, Tinau e a titirakina Titita Jacobs bwa e uara.E a moanna n tang Titita Jacobs.
“I a tibwa kunea bwa Nna riai n nako n te onnaoraki ibukin au korokoro ningabong. I taraa ni maaku teutana.”
Tinau e angan Titita Jacobs te bwaai. Ngkanne Olivia e anganna te kaati are e karaoia.
“Ko rabwa Olivia. Te kaati ae e tamaroa aei ma moangarem a boni kamarurungai.”
E namakinna Olivia bwa kanga iai temanna ae e nimta buroona. E rang kukurei ngkai e kona ni buoka Iesu ni kamarakeia Ana tiibu.