Te boto ni iango ibukin te iwawaki n te ririki aei e tuangira arora bwa ti na katea te banna ni katooto nakon te aonaaba.
12 Tai kariaia temanna bwa e na nanobuaka n rikirakem n ataeinimwaane; ma riiki bwa te banna ni katooto ibukiia taan onimaki, n te taeka, n am taetae ni kawai, n am tangira ae kororaoi, ni korakoran nanom, n te onimaki, n te itiaki.
Tai Kariaia Temanna bwa E na Nanobuaka n rikirakem n Ataeinimwaane
Bauro e tuanga Timoteo bwa uarereken ana ririki ni maiu e na aki riki bwa te totoko ni maiuakinan te euangkerio ao n te makuri ibukin te Ekaretia. A mwaiti kaain te roronrikirake aika a tia ni karekea namakinan te tamnei ae korakora. Kakaei taian taeka ni kairi aikai ao wareka karakiia tabeman mai ibuakoia: 1 Tamuera 17:12–49 (David), 2 Nibwaai 2:4 (Iakobo), Moomon 1:15 (Moomon), ao Joseph Smith—History 1:7–20 (Iotebwa Timiti).
Ko na kanga ni kaota teimatoan nanom nakon te euangkerio n te tai aei inanoni maium? Korea aei inanon am boki n tau rongorongo.
Te katooto
Tamnei
President Thomas S. Monson
Tiaki riai n aki taninga angaraoin te bitaki, te bwai ae kamiimi ae na riki n te aonaaba ae ti mena iai, ke te kakao ae raka bwa ti na riki bwa te banna ni katooto—te tamnei ae na iraki. Karaoana ae angaraoi e wene i matara ikai ao ngkai. Ma a kai mauna. E na kai kuneaki inanoni mweengara ao n te makuri ni katoa bong ni maiura. E katanea te kawai ara Uea ao ara Mataniwi: ‘[E] mwamwananga ni karaoa ae raoiroi.’ Mwakuri 10:38 Ngaia ae boni Ngaia bon te banna ni katooto ae ti na iria—ae te banna ni katooto ibukiia aika a onimaki.
“Ti karaoa anne?”
Beretitenti Thomas S. Monson, “An Example of the Believers,” Ensign, Nov. 1992,
Taeka
Ti kaota aroni kairara iroura ngkana ti rabakau ni kaeta ara taeka (tara Iakobo 3:2). Bwa e na aki kamangoriia tabeman, ara taeka, ma e na kabeebeteia (tara I-Ebeto 4:29; D&C 108:7). Karekean ae raoiroi n te itera aei, ko kona, n aron te katooto, ni korei kouru aika ana anga te kamoamoaki, taetae ma te akoi riki nakoia kaain am utu, katangiraoa riki bwaanam ao katinanikua te taetaebuaka ma taeka ni kamatauninga.
Te taetae ni kawai
Te taeka ni Greek ae nanona te aroaro.
Tangira ae Kororaoi
Tamnei
Elder Joseph B. Wirthlin
“Ti ria ni kamaiua koraan te tangira ae kororaoi i nanora, ana tangira ae itiaki Kristo. Ngaia te banna ibukin te tangira ae kororaoi. Maiuna ni kabane, riki ana anga nano ni kamaiu, bon te reirei ibukin te tangira ae kororaoi. Arona ni kabane e katerea te tangira ae aki kona ni kabotauaki ibukiia reeti n aomata ao ibukira n tatabemanira. Te bwai ae karaoia e reireinira bwa te tangira ae kororaoi nanona karinanoan baika oin nanom n aki kairoroaki ma te kukurei ibukin karaoiroaia tabeman. I kakoaua bwa rikirakera nakon te karietataaki ao te maiu ae akea tokina e tine iaan arora ni maiu ma koauan te tangira ae kororaoi.”
Unimwaane Joseph B. Wirthlin man te Kooram n Abotoro ake Tengaun ma Uoman, “Seeds of Renewal,” Ensign, Mei 1989, 8.
Te Onimaki
Ngkana ko na riki bwa te banna ni katooto n te onimaki, ira ana reirei te Abotoro ae Iakobo: “I a kaota au onimaki nakoim n au makuri” Iakobo 2:18.
Te Itiaki
Wareki taekan te anene n taromauri “More Holiness Give Me” (Te Anene n Taromauri, nambwa 131), ao iangoia bwa tera ae nanonna ibukin te banna ni kato oto ibukin te itiaki.Te kauring man iroun te Eteta: Te mwakoro ni iteraniba ae oti ikai e aki kananonaaki iai bwaai aike ana taraaki ibukin kabonganakin taraakin booki aika tabu, ma ti ibukin oin am kamatebwai.