TE UTU
Karaoa am mwakuri ni katean te mweenga ae kakukurei. Karineia am karo, ao kakorakora am iraorao ma tarim ao mwaanem.
Te Moan Beretitentii ao aia Kooram Abotoro ake Tengaun ma Uoman a tia ni katanoata: “Te kakukurei n te maiu ni utu e bon kona n reke ngkana e kabotoaki inanona ana reirei te Uea Iesu Kristo. Maare ao utu aika nakoraoi a bon kateaki ao n kateimatoaki iaon taian moan tua n te onimaki, te tataro, te rairannano, te kabwarabure, te karinerine, te tangira, te nanoanga, te mwakuri, ao waaki ni kakukurei aika a kakamaiu.”1
Ma te kamiimi bwa koaua aikai, ake a boboto man ana baaire ni kakukurei Tamara are i Karawa, a kamiimi nakon te aonaaba n taai tabetai. Ma e kunea te kakae ae boou bwa te roro ae tebwi tabun te ririki ake tiaki kaain te Ekaretia aei a kunea naba te kukurei ni maiuia n tamnei ao ni irekerekeia n te utu. N 2007 uoua bootaki ni kareke rongorongo aika bwain te U.S. ake a ukeuke iaoia kairake aika te roro aika 12 nakon 14 ni kakaea bwa a kanga ni kakukureiia.
Aikai ana kukune te kakae, ao ibuakon aika bati:
-
Te roronrikirake a “katuua aia “onimaki irouia aia karo ibukin kamanoaia ao kukureia.”
-
“E na karikirakea ukoukoran te kakukurei te roronrikirake rinanon te maiu n tamnei ao te onimaki.”
-
“Uekeraken nanoia te roronrikirake ibukin aron katein te utu e na karekea te korakora.”
-
Teuana mai buakon te rongorongo ae katuruturuaki n te kakae e taku, “Ngkai ara moan kakae e kunea bwa te roronrikirake ni boong aikai a kamaiua riki te katei nakoia te roro are mai mwaaina, ti rangi ni miimi ni kunea aron te ingainga irouia nakon aia tai ni mare ao nakon aia tai ma aia utu bwa e rangi ni kakukurei.”2