E DUA NA VOKETE SINAI ENA LOLOMA
Ni oti e dua na vakacalaka lailai, au sa mai vakaititoko tu yani, kau dau lako vakamalua. Sa dau dredre vei au na lako ena ikabakaba. Au dau rere vakalevu mai valenilotu deu lutu mai na ikabakaba —me yacova na Sigatabu ko ya ena noqu rogoca e dua na domo malumu kau vakila e dua na liga lailai ni taura na ligaqu: “Lako mai. Au na lako vata kei iko.”
Au rai sobu ka raica na matadredredre ni yalodei nei Gabriel yabaki ciwa.
“Sa vinaka!” Au kaya. “Me tekivu oqo ka lako yani, o sa na dau vukei au. Daru lako!”
E sega ni dua a talai Gabriel mai. A raica ga ni gadreva na veivuke e dua na buinigone ka soli koya yani.
Ia ena vei-Sigatabu yadua, keirau dau sirova sobu na ikabakaba kei Gabriel ka sega na rere.
Au qai tukuna e muri vei rau na itubutubu nei Gabriel: “E sega ni nona kaukauwa vakayago ka sega kina niu rere. Na vokete sinai ena loloma ka dau solia vei au ena vei-Sigatabu yadua. O Gabriel e dua na tuwawa ni yalovinaka!”