Iapani: Faasologa o Mea na Tutupu

12 Aokuso, 1901 • Yokohama, IapaniNa taunuu ai i Iapani le vaega muamua o faifeautalai o le Au Paia o Aso e Gata Ai.

O faifeautalai i le faapaiaga o le fanua o Iapani

1 Setema, 1901 • Yokohama

Na faapaia ai e Heber J. Grant Iapani mo le talaiga o le talalelei.

8 Mati, 1902 • Ōmori, IapaniNa avea ai Hajime Nakazawa ma uluai tagata liliu maio le Ekalesia i Iapani.

28 Aperila, 1902 • Tokyo, IapaniNa faataunuuina ai le uluai sauniga a le Ekalesia i le maota o Nakazawa.

17 Aokuso, 1902 • TokyoSa faatulagaina ai le Aoga Sa muamua i Iapani. O sauniga i le popofou [o le Ekalesia] na faia i le Faaperetania.

20 Aokuso, 1902 • TokyoNa lolomi ai e le tamalii atamai i Iapani o Takahashi Goro lana tusi Morumon kyō to Morumon Kyotō (Mormonism and Mormons).

11 Oketopa, 1903 • TokyoNa faataunuuina ai le papatisoga o Kenzo Kato i le Faaiapani; o le taimi muamua lea na faia ai se sauniga i le Faaiapani.

16 Oketopa, 1903 • Hojo, IapaniNa faatulaga ai le Aoga Sa muamua na taitaia i le gagana Iapani.

Ianuari 1904–Setema 1909 • TokyoNa vaaia ai e Alma O. Taylor le faaliliuga muamua o le Tusi a Mamona i le Faaiapani.

6 Oketopa, 1909 • TokyoNa lolomi ma fusifusia ai kopi muamua o le Tusi a Mamona i le Faaiapani.

3 Iulai, 1910 • TokyoNa faatuina ai le uluai Faalapotopotoga mo le Faaalualuina i Luma o le Mutuale (FFLM) i Iapani. Takeshiro Sakuraba na valaaulia o se peresitene.

30 Me, 1917 • TokyoNa faatulagaina ai le Sosaiete a le Aualofa i Iapani.

Ianuari 1923 • IapaniNa faauuina ai Fujiya Nara o se toeaina pulefaamalumalu i le Ekalesia i Iapani.

26 Me, 1924 • Washington, D.C.Na pasia ai e le Konekeresi a le I.S. le Tulafono o Femalagaiga o le 1924, ua taofia ai malaga mai i le Itu o Asia‑Pasefika i le Iunaite Setete.

9 Iuni, 1924 • TokyoOna o le faatupulaia o le vevesi i le va o le Iunaite Setete ma Iapani, na taofia ai e Heber J. Grant, o le Peresitene o le Ekalesia, le Misiona a Iapani.

1 Ianuari, 1925 • TokyoNa lolomiina ai le lomiga muamua o le Shuro o se nusileta sa fuafuaina ia faaauau ai ona avatu fesootaiga i vaega o paranesi i Iapani.

1926–38 • Aai o Sate Leki ma IapaniNa tau atu e le Au Peresitene Sili ia Alma O. Taylor ia faaauau pea fesootaiga ma le Au Paia Iapani. Na tuuina atu e le aunoa e Taylor lipoti o gaoioiga i Iapani i le Au Peresitene Sili.

Novema 1926 • Tokyo, Osaka, ma SapporoNa asiasi atu ai Franklin S. Harris, o le peresitene o le BYU, i paranesi o le Ekalesia ma aloaia ai le faatulagaina o le FFLM. Na valaauina ai Fujiya Nara e pulefaamalumalu i le FFLM i Iapani.

Tesema 1927 • Aai o Sate Leki ma TokyoNa faamautuina ai le tofia o Fujiya Nara o se toeaina pulefaamalumalu i se tusi mai le Au Peresitene Sili.

7 Iulai, 1934 • Aai o Sate LekiNa vaetofia ai e Heber J. Grant ia Takeo Fujiwara e avea o se “toeaina pulefaamalumalu ma se faifeautalai faapitoa” i Iapani

Iulai–Tesema 1934 • Tokyo, Osaka, Kofu, ma SapporoNa faatulaga ai e Takeo Fujiwara paranesi i Tokyo, Osaka, Kofu, ma Sapporo.

28 Aperila, 1935 • KofuNa pulefaamalumalu ai Takeo Fujiwara i le sauniga faamanatuga muamua sa faia i Iapani talu mai le tapunia o le misiona. Na valaauina ma lagolagoina ai Muraji Yoneyama o se peresitene o le paranesi.

19 Me, 1935 • TokyoNa papatisoina ma faamauina ai Terutake Ishikawa ma Kyoko Mochizuki; o sauniga o le perisitua muamua ia talu mai le tapunia o le misiona.

27 Ianuari, 1936 • TokyoNa maliu ai Takeo Fujiwara i le [gasegase o le] mamapala. E leai se valaau aloaia na tuuina mai e tau mai ai se sui o se toeaina pulefaamalumalu i Iapani.

1937–45 • Honolulu, HawaiiNa vaaia ai e le Misiona a Iapani ia mataupu a le Ekalesia i Iapani mai lona faauluuluga i Hawaii.

Aperila 1939 • Osaka, Tokyo, ma SapporoNa asiasi atu ai Hilton A. Robertson i le Au Paia atoa i Iapani, papatiso ni tagata fou e toavalu ma faauuina se toatasi e avea ma toeaina.

30 Oketopa, 1945 • TokyoNa tali atu ai Nara Fujiya i le tusiga a Edward Clissold i se nusipepa i le lotoifale na sailia se fesootaiga ma tagata uma o le Ekalesia i Iapani.

27 Oketopa, 1947 • Aai o Sate LekiNa valaauina ai Edward L. Clissold e toe tatala le Misiona a Iapani.

7 Mati, 1948 • TokyoNa auai atu ai Clissold i le Aoga Sa Faaiapani ma le Aoga Sa laiti na taitaia e Nara Fujiya.

17 Iulai, 1949 • TokyoNa valoia ai e Elder Matthew Cowley o le a fausia e le Ekalesia ni fale se tele “e oo lava i malumalu” i Iapani.

1952–53 • IapaniNa amatalia ai e Vinal Mauss, o le peresitene o le Misiona a Iapani, le Tupe a Faifeautalai a Fitafita. Na avea ai Hide Kishigami ma faifeautalai muamua na valaauina mai Iapani e talai i tagata Iapani.

1955 • TokyoNa lolomiina ai le Mataupu Faavae ma Feagaiga ma le Penina Tau Tele i le gagana Iapani mo le taimi muamua.

26 Aperila, 1964 • TokyoNa faapaiaina ai le falelotu o le Paranesi a Tokyo i Matu; o le falelotu muamua lea o le Au Paia o Aso e Gata Ai na fausia i Asia.

Iulai 1965 • Iapani ma HawaiiNa faia ai e le au paia le malaga muamua o malaga e tele i le Malumalu o Laie Hawaii e auai i sauniga o le malumalu.

1965 • JapanNa valaauina ai Adney Y. Komatsu o se peresitene o le Misiona a Matu Sasae Mamao, o le tagata muamua o se tupuaga Iapani ua pulefaamalumalu i le misiona i Iapani.

15 Mati, 1970 • TokyoNa faatulagaina ai le siteki muamua a le Ekalesia i Asia, o le Siteki a Tokyo, ma na avea ai Kenji Tanaka o se peresitene.

15 Mati–13 Setema, 1970 • OsakaSa faia ai le Faaaliga a le Lalolagi i Osaka.

1972 • TokyoNa faatulagaina ai e le Ofisa o Aoga a le Ekalesia ia uluai seminare ma inisitituti i Iapani.

4 Aperila, 1975 • Aai o Sate LekiNa valaauina ai Adney Y. Komatsu o se Fesoasoani i le Korama a Aposetolo e Toasefululua ma avea ai ma se uluai Pulega Aoao o se tupuaga Iapani.

9 Aokuso, 1975 • TokyoNa fofoga ai e Spencer W. Kimball, o le Peresitene o le Ekalesia, o le a fausia se malumalu i Tokyo.

1 Oketopa, 1977 • Aai o Sate LekiNa valaauina ai Yoshihiko Kikuchi o se sui o le Korama Muamua a Fitugafulu. O ia o se uluai tagata Iapani moni o le ekalesia e auauna o se Pulega Aoao.

27–29 Oketopa, 1980 • TokyoNa faapaiaina ai e Spencer W. Kimball, o le Peresitene o le Ekalesia, le Mmalumalu o Tokyo Iapani; o le malumalu muamua lea i Asia.

31 Mati, 1990 • Aai o Sate LekiNa valaauina ai Chieko Okazaki o se Fesoasoani Muamua i le Au Peresitene Aoao o le Aualofa. O ia o se tamaitai muamua o se tupuaga Asia ua auauna o se Ofisa Aoao o le Ekalesia.

11 Iuni, 2000 • Fukuoka, IapaniNa faapaiaina ai e Gordon B. Hinckley, o le Peresitene o le Ekalesia, le Malumalu o Fukuoka Iapani.

Mati 2011 • IapaniI le aliae ai o le mafuie e 9.0 le malosi ma le galulolo i Tōhoku, po o Iapani Sasae Tele, na faasoa atu ai e le Ekalesia, le 180 tone o sapalai mo faalavelave faafuasei.

21 Aokuso 21, 2016 • SapporoNa faapaiaina ai e Peresitene Russell M. Nelson o le Korama a Aposetolo e Toasefululua le Malumalu o Sapporo Iapani.