Oodlą’ Bee Yinááł
Bee nihik’ijíshdlíih hoozyéél dóó Bóhólníihii woodlá noosééł.
Shik’is dóó shiláh ayóó ánhi’dó’ní, nihí díí áłah áleeh nákee’ benéilniihii ałchį’ ałnéehgi, nihí Bohólníihii bich’į’ baa ahéeh daníidzin. Sin nizhóní yee’, dóó ha’íisdzíí’ nihii’naazį́į yidíisnaa.
Díí áłah áleehgo, nihí ádahóót’įįd nihił chíndaast’ą́. Díí 200 nááhaidi bééhániih, nihí nihokáá’ dine’é bich’į’ bee hadasiidzí’ii t’áá ła’ígo Jesus Christ báhane’ yá’át’éhii t’áá ńt’ę́ę́’ Ninályáhii t’áá aaníí át’é.
Ninályá bee béédeilnííh Bik’ihojídlí bee ha’diwósh.
Nihí Bohólníihii Jesus Christ deiníidlą bee yit’įnii ániid ílyaa dóó Sodizin bá Hooghan bits’áadoo hane’ dóó saa ályáii bee bééhózin.
Nihí nihokáá’góó ła’ ajį́ adą́ ádeeyiit’į́ dóó sodadíilzin, áko níłnii’íi dah biyi’ ha’dóoldá, aa’ ádahalyąnii baa ádahayą́, náanish háá hidóolwoł, dóó iiná hasht’é’nidoolwół. Díí adą́ ádeeyiit’į́ lá T’ą́ą́chil 10 Yá’át’éeh Ńda’iiníish góne’é dooléeł. Nda’íiniish lá eíí ayóó át’ée doolééł!
Náá Damǫ́ǫ lá Íistir bidamǫ́ǫ, nihí áádóó nihiBóhólníihii Jesus Christ bit’íís yee Nina’ídlá dóó Náádiidzá bee béédeilnííh. Bít’íís yee Nina’ídlá biniinaa, Bí náadiidzáo lá ałtso dahinánę́ę yich’į’ hwíidooyííł. Dóó Bí ahool’áo iiná lá yich’į’ hwíidooyííł ałtso aTaa’ dabighan góne’ bee áda’ool’į́į́ł dóó bee aha’díist’ą́ ádayiiláo yee dahinánii.
T’óó ahayói díí T’ą́ą́chil 2020 ntsáa áłah áleeh danhidiisnáá’—dóó baa hasti’ eíí beiníłką́—saad náaki diyingo bee ha’oodzí’ii ałts’ísí ályaa: “Yísóhts’ą́ą́.”1 Azhé’é Diyiníi nół’į́į nihísódizin, éí saad yee haadzíí’, dóó BíYe’ Ayóó ayó’níi, Jesus Christ, ádahóot’įįd ałtso nihíni’ bii’ dahólǫ́. Nihísodizin eíí nihi ánii t’áá aaníí Yisdá’iiníiłii bizaad didoohts’į́į́ł, yídóołts’į́į́ł, dóó bik’eh honoł’į́.2 T’áá aaníí eíí náłdzid yaa kódoonííł dóó nihe’oodlą’ dinóoseeł.
Ahéhee’ nihighan góne’ oodlą’ bił haz’ą́ nóozį’ígíí, ákwe’é Bohólníihii bi’Ii’sizį́į holǫ́ǫ doo. Nihi hane’ yá’át’éehii yiníilta’go, Hágo, Shikéé’ Yínááł, náasjį’ nihe’íina’ bee bik’ihójoodlííł. Nihi áłahjį’ chóoł’į́—azhą ha’íish bits’ą́ą́dóó náhidiishlé nóhsin nídi—nihe’íina’, eíí niha’áłchíní, dóó nihokáá’ dine’é łahgo íidoolííł. Nihítse’ ánhidoolíiłgo bee Bohólníihii yíwohgo bikéé’yiikáh doo, Bí bá nisiizį́ dóó bá yádeilti’, yiikáhgóó.
K’ad, tį́’ Diyin dabighan baa yéiilti’. Nihí 168 Diyin dabighan nihokáá’góó dashíidlish. Nááná ła’ ałkéé’ honi’ą́ǫ bindahat’á dóó ádaalnííł. Diyin bighan ánii binahast’á baa haníhgo, éí nihi’aahásti’ baa hane’ bíilts’i’.
Jó ha’át’áo lá Diyin dabighan baa náádahóone’ ałtso dáda’deelkáalgo.
100 nááhaidą́ą́’, Naat’áanii Wilford Woodruff nihił áhoot’éhii yiyíiłtsą́ǫ, íidlísh bisódizin biyi’ yísdzoh Salt Lake Diyin bighangi, 1893 biyi’ bee ha’óodzíí’. Nihi shį́į́ ła’ bénałniih saad bii’ áłch’į’ ál’į́ biyi’ sódizin nóoł’į́į́’.
Dadóohts’a’ísh Diyin God bá yáłti’í ayóó át’éii náhookąąhíi: “Nidine’é náasdi doo díí hooghan diyiníi yiih doogááł silį́įdi … dóó bidéí áhoodzáá dóó háshtł’áaskai, ach’į’ anáhooti’ dabismás … dóó díí hooghan diyiníi yich’į’ dadéez’ii’ doo dóó bii’ hánhi’éésh, nihiká anílyeed, Nibee ádziil niká bee í’ilééh, t’áá shǫǫdí, nił hodiyindę́ę́’ ne’ajoobá konílééh … dóó deicháhii diits’ííh. Doodago Nidine’é ba’áłchíní, ńdaahai bii’dí, bita’ hóo’a’go, doole’é bąą, díí haz’ą́ądóó, … dóó Nich’į’ daacháo atídabił’ą́ yikée dóó yinííł doo chána ádadíiliił dóó bii’ háá hidíi’ish, joobá’ daníidlíigo ádadíi’ní … deicháhii diits’į́į́h, dóó nídayókeedíi bee bik’idajídli’.”3
Shik’is dóó shiláh, nihich’í dahó diiką́ąhgo aTaa’ dabighan yee’ dáda’déeskaal, nihi t’ahdii Diyin bighan bibee ádziil nihiká adóolwół bee aha’deet’ą́ dóó adánaanísh óołaago dinóhsinii bináhjį’. T’áá shǫǫdí díí aTaa’ dabighan dáda’déeskaalgo nihe’íine’ asht’edei yínóhsin, doodágo Diyin bighan góne’ yah í’doodááł biká hasht’e’ídołnééh.
Niha’áłchíní dóó nihihik’is bił baa yádaałlti’ Diyin bighan. Jesus Christ lá ałníi’ nilįníi biniinaa t’áa ałtsoní Diyin bighan bii’ ádeil’į́, Diyin bighan agháo baa ntsókees doo. Óhooł’aah dóó biká sodółzin ádziil dóó ééhózin nihaa diist’ánii—doodágo náasjį’ nihaa hididootáłii.
Diijį́ baa nihił hózhǫ́ǫ Diyin bighan binahast’á’ tseebíí ádadoolníłii nléí ndahaz’áadi: Bahía Blanca, Argentina; Tallahassee, Florida; Lubumbashi, Democratic Republic of the Congo; Pittsburgh, Pennsylvania; Benin City, Nigeria; Syracuse, Utah; Dubai, United Arab Emirates; dóó Shanghai, People’s Republic of China dabiyi’di.
Ałtso tseebíí nahaz’áádi, Sodizin bá Hooghan ndeich’ąąh dóó áají bá naazį́į yił yindádoolnísh áko Diyin bighan áají yidínéelná dóó áadi kéédahat’ínii bił yá’ádaat’ééh.
Diyin bighan binahat’á’ nléí Dubai doo ádaaníigo neel’íigo, jo’éí ayóó baa ahééh niidzingo náás kódzaa.
Kin Shanghaijí binaha’á’ bá ayóó yá’át’ééh. Náadiin náakai bilááh, People’s Republic of Chinadóó Hong Kong Chinají Diyin bighan si’ą́ą́góó ałnáádaakah. Ndi 2019 Ya’iishjááshtsoh biyi’, eíí Diyin bighan da’déelkaalii biká nighéidę́ę́-binahat’á’ dóó yéego bin ná’doonish yinízingo.
Shanghai bii’, t’áá łahíjį’ kin bii’ Chinese dine’é íhidiikáii áłah ńda’ádleeh biká niit’ááh ákwii Diyin bighan bii’ bibee ó’ool’įįł ałah góne’ ádeil’į́-- People’s Republic of China biyi’di—adá dóó dabizází yá.4
Kéyah ínilgóó, díí Sodizin bá Hooghan bíhidíikai yíneiníłtin aají beehaz’áanii dinóhsin, be’ół’į́, dóó bikéé’soozį́.5 Bee na’niitin hooghan haz’ą́ agháago ílį́, yá’át’éehgo ánilzéh dóó ayóó ák’idáhalt’á’. Bee ńdahaz’áanii ádaayaa biniinaa dóó People’s Republic of China yee na’ídidlo’, Sodizin bá Hooghan dóó doo ákwǫ́ǫ́ ahikáa da; índa k’ad ndaga’.
Yá aheeznánii dóó Chinese al’ąą áłah ńdaadleeh doo. Sodizin bá Hooghan yee has’ą́ áadi doo łahgo ádoolníił da. T’óó kin choo’į́ álnéehgo, hatsíjį’ hojilníhgo t’éiyá yá azhdoogááł. Shanghaigi Diyin bighan si’ánii doo dine’é łahdę́ę́’ kéyah ch’aa nidaakaii doo yaa nídaayah da doo.
Díidi tseebíí ánii Diyin bighan nii’nil’íí t’óó ahayói dine’é be’íina’ bee yik’ídahózhdoodlíił. Ataa’ dabighandi ts’ídá aláadi Jesus Christ báhane’ yá át’éhii t’áá ńt’ę́ę́’ Ninályáii haa yilyééh. Diyin God biyá’át’éhii dóó yaa yidléé’ii, Diyin bighan bibee ak’ihojídlíi Ba’áłchíní baa honíti’ yá ádeidoolííł.
Nináhalyé t’ah áhoonííł, shił bééhózin Diyin God eíí t’óó ahayói ayóó ádaat’éi dóó doole’é bídadeeti’íi íishją́ ádeile’ii nihokáá’ bił haz’ą́ yá.6 Eíí haz’áanii lá Jesus Christ Binahagha’ Akée’di Dayoołkáałgo Yá Naazíinii át’é.
Shik’iské dóó shiláhkéí da’nóhłį́į, ayóó ánhíínísh’ní. Díí hóolzhishgi sáá hólǫ́ dóó doo ééhózin da, dóó óholníí shaa yilyáii bee bíinishkeed, Éel’a’ bibee ak’ihojídlí bee nik’iháasdzííh.
Nihik’ijíshdlíih hóózyéél dóó Bóhólníihii yinóhdlánii noosééł.7
Nihik’ijíshdlíih łahgo iiná ándoodlííł dóó t’áá ákwiijį́ Bígi anóht’é wółeeł doo.8
Nihik’ijíshdlíih áko Bá Yáłti’í Joseph Smith lá Jesus Christ báhane’ yá’ét’éhii t’áá ńt’ę́ę́’ Ninályáii yá yáłti’í nilį́.
Nihitádi ła’ doodágo ayóó iinóh’íi naałnííh bidóolna’go, hadíłt’é nídoodleeł, Bohólníihii íinizinii bik’éhgo.
Nihik’ijíshdlíih, ayóó ánhiiníshní naadíshní, Jesus Christ bízhi’ baa hasti’íi bináhjį’, áámen.