Kosalaka
Tokotia esalelo ya sika, mpe ya lisitwale mpo na kolengela mpe kosalela basusu.
Botondi Mpaka Gong mpe Mpaka Soares, mpo na mayoki ya mitema na bino ya bondimi. Tozali mpenza na esengo mpo na bino mpe baninga na bino.
Bandeko mibali mpe basi, tolukaka na makasi bokambi kouta na Nkolo na lolenge nini tokoki kosunga bandimi babatela mitindo ya Nzambe, mingi mingi mitindo mibale oyo ya Nzambe ya kolingala Nzambe mpe bazalani na biso.1
Mpo na basanza tobandaki koluka lolenge malamu ya kosala mpo na bosenga ya molimo mpe ya nzoto mpo na bato na lolenge ya Mobikisi.
Tozwaki mokano ya kosukisa na liteya na libota mpe liteya ya botali lokola toyebi yango. Na esika na yango tokotia likambo ya sika, kolengela mpe kosalela basusu. Tokozwa ndakisa oyo na makoki mpo na “kosalela.”
Bokasi ya mosala epesami ndingisa na makabo ya mbotama ya bandeko basi mpe na nguya makasi ya bonganga nzambe. Biso nyonso tozalaka na mposa ya bobateli ya boye uta na bobebisi ya monguna.
Mpaka Jeffrey R. Holland ya Lisanga likoki ya Bapostolo Zomi na mibale mpe Ndeko mwasi Jean B. Bingham, Mokambi Monene ya Lisanga ya Bamama Basungi, akolimbola lolenge nini esalelo ya bandeko ya bonganganzambe ya mibali mpe ya Bandeko basi ya Lisanga ya Bamama Basungi ekobanda kosalema sikawa mpo na kosalela mpe kolengelaka bandimi ya Eklezia na mokili mobimba.
Bokambi ya Yambo mpe Lisanga likoki ya Bapostolo Zomi na mibali basangani mpo na kosunga bansango na bango. Na botondi mpe na losambo tofungoli mokapo oyo ya sika na lisitwale ya Eklezia. Na nkombo ya Yesu Klisto, amene.