Etinata Om Saram
Fefinei, ekkewe soufos ra kokorikich. Oupwe wenechar? Oupwe pwarano ami nuku? Oupwe etinata ami saram?
Meni kosap sinei ei, nge President Monson me ngang am nippwe. Non ewe aewin ran ua uputiw non chok ewe awa—non enefenin California, Thomas S Monson non an a [inik me onu](36) ier a efeioch ngeni ewe wis minefon aposel. Uwa sani ai ei murinon akókó ngeni ewe soufosun Kot, President Monson.
Ekkewe soufos ra kapas ussun fefin.1 Kopwe rongorong ekkoch ar kei kapas non ei mwich. Ren ai mak uwa niwinsefaniti arapakan [faik](40) ier ngeni ew porous makeen Preseten Spencer W. Kimball. September 1979 [engorou tiwepuku fik me tiw] ina ewe oruen fansoun ekkewe fefin non unusen ei Mwichefen ra chufengen non ar pusin mwichenap. President Kimball a amonata an afanafan, nge nupwen a tori ewe fansoun ren ewe mwich, a nom non ewe pioing. Iwe a chok tingorei punuwan ewe, Camilla Eyring Kimball, an epwe anneani an ewe afanafan fan itan. 2
Sister Kimball a anneani an ewe soufos ekkewe kapas, mine a pwarano ussun murinon ekkewe fin LDS a pwano won ekkewe murinnon fefin won ei fonufan mwen ewe Oruen Niwinsefaniton ewe Chon Amanau. Arapakan ngeni nesoponon, a wor ew pochokunen memefin pwapwa ekkewe fin ewe Mwichefen ra kan akkapasa ussun seni ena fansoun.
Mut ngeniei upwe apasa sefani ekis ussun met Preseten Kimball a apasa:
“Omuchunon, achengicheng sisters, ouse mochen upwe apasa ngeni ami och mettoch ouse mo rorong me mwen. Napengeni ewe waten marinon ei Mwichefen non ekkewe fansoun soponon epwe feitto pokiten chommong me nein ekkewe fefin mi murinno seni ei fonufan … repwe chommongono ne pachengeni ei Mwichefen. Ei epwe fis ngeni ewe kaukun ekkewe fefin seni ei Mwichefen repwe pwarano ussun emon me emon ir me pung non manawer me ngeni ewe kaukun ekkewe fin ewe Mwichefen ra pwarano ussun ar sokono—non pwapwa seni ekkewe fin ei fonufan.
“Me nein ekkewe ra itefouno non ewe fonufan ekkewe repwe tonong non ewe Mwichefen ir ekkewe fefin ra kon ekieki ar repwe pung nap seni ar repwe chok pusin ekiekir won winikaper. Ekkei fefin ra fokkun tipetekson, minne a aucheani wenechar nap seni itefouno. …
“… Epwe … fefin ir minen apiru seni ewe Mwichefen [ir kewe] repwe ew pochokunen murinno non nampan me pekin ngun ren marinon ewe Mwichefen non ekkewe amuchunon ran.” 3
Met ren ei kapasen oesini. Ren chok om kopwe kaeosefan:
-
Epwe ewe murinnon chiechioch an ekkewe fefin epwe efisata watten marinon ewe Mwichefen non ekkan ier epwe feitto.
-
Ewe chiechi ekkewe Fin Anisi, fopun, me nenginin kinter ra forata fiti ennet, nukuchar, fefin me nengin seni pwan ekkoch mwichefen me nuku epwe ew pochokunen murinnon ifa ussun ewe Mwichefen epwe marino non ekkewe ran soponon.
-
Preseten Kimball a eita ekkei fefin seni nukunsokur “mi itefouno” ekkewe ra anapa ar ekieki ar repwe pung nap seni ar pusin chok ekiekir won winikaper, ekkewe repwe pwar ngenikich pwe wenechar a kon auchea nap seni iteofouno.
Uwa fen churi chommong me nein ekkei fefin mi murinno nupwen uwa fori ai angang non unusen ei fonufan. Ar chiechioch ra fokkun namot ngeniei. Ka pwan siner me nein chiechiom me chon arum. Meni resap mwo choni ewe Mwichefen iei, nge sia akókó fengen non ach chiechi mi fokkun auchea. Iwe ifa ussun ach pwarano wisach? Met sipwe fori? Preseten Kimball a porous ussun nimu mettoch:
Ewin sipwe wenechar. Ren ach wenechar esap wewen nge sia unusoch sise mwo fori mwan fan ew. Wewen sipwe forata ew pochokunen chiechi ngeni Kot, aier seni ach tipis me pupungaw, me anisi ekkoch.
Fefin ion a fen aier a siwini ewe porousen uruo. Mi wor emon chienei a akseten won efoch taraku nupwen a chok emon fopun, me seni ena, a chok oruni an epwe un safeen metek. Mwirin, inan me saman kewe ra mufesen. A popo seni ewe a chiechi ngeni me akkom, me a sopweno an ewe oruni. Nge ew pwinin, a kan nennengeni ekkewe osukosuk me kakatongaw non manauan me ekieki, “A Naf.” Neminewe a tingor ngeni ewe Chon Amanau Jises Kraist an epwe anisi. A apasa pwe a sinei pwe Jises Kraist a pochokun nap seni osukosuken nonnomun me a tongeni anongonong won an Jises ewe pochokun nupwen a fetan won ewe anen aiersefan.
Ren ach niwinsefan ngeni ewe Samon me napaapan, nemnewe a siwini fetanin uruon me uruon nou ewe kukkun at me punuwan ewe minefo. Neminewe a fokkun wenechar; netipan a fokkun sukuchocho ngeni ekkoch ekkewe ra fori mwan me ra mochen repwe siwin. Me ussun chok kich menisin, neminew ese unusoch, nge a sinei ifa ussun an epwe aier me achocho ne sotuni.
Oruan sipwe afatafatochu. Ren ach sipwe afatafataochu wewen pwe sipwe pwarano non fatafatochun ifa ussun ami mefi ussun och mettoch me pwata. Nepoputan chok ei ier, mi wor ew mettoch a maketa ikewe sia kan anneani met emon e kan maketa won Facebook a porousen esita souneng. Uwa aneani me uwa ekis song me uwa chok amonungaw seni. Nge emon chiechiei esap I emon chon ach Mwichefen a ponueni ren ew pusin an memef. A makkei: “[Iei] wesewesen ewe oponuwen met Jises a uta ren—I a … namot [non] met an kuna me non an fansoun pokiten I … a anonnopoku ei fonufan. I a [porous ngeni] ekkewe mi sikepwach, [mongo] ngeni ekkewe chon ioi takises … , a anisi ekkewe fefin me semirit mi apwangapwang … , [me] a ngenikich ewe porous ussun ewe Re Sameria mi murinno. A amuchano ren … ennetin Souneng repwe achocho ngeni ar repwe aramas mi sinei tong NAPANAP non ei fonufan.”4 Nupwen uwa anneani ena, uwa ekiek ngeniei pusin, “Pwata use makkei enan?”
Emon me emon kich mi murinno ach sipwe angeoch ne apasa ekkewe popun ach nuku. Ifa ussun om mefi ussun Jises Kraist? Pwata ka nom non ewe Mwichefen? Pwata ka nuku pwe ewe Puken Mormon ew pukefel? Ian ka angei me ian om kinamwe? Pwata mi namot pwe epwe wor met ewe soufos epwe apasa non 2017 [ru ngerou engon me fisu]? Ifa ussun om sinei pwe I emon wesewesen soufos? Aea om mongungu me om pochokun ne apasa met ka mefi me sinei—won ekkewe nenien aporous won asapwan, non aporous mongunungun me chiechiom, non porous ngeni noun noum kewe semirit. Urenir pwata ke nuku, ifa ussun om sinei, met ussun memefin, ika kopwe tipemwaramwar, ifa ussun om kopwe atawei, me met auchean Jises Kraist ngonuk. Ussun met ewe Aposel Peter a apasa:”Kosap nuokus …: nge epinano ewe Samon Kot non netipemi: me moneta ngeni fansoun meinisin om kopwe ponueni an aramas kapas eis ngonuk ew popun ewe epinukunuk a nom non en.” 4
Aunungatin sipwe sokono. Mut ngeniei upwe aporousa ngonuk ew porous a fis non ei July me won Panama City Beach non Florida. 5 Mwirin neanowas, Roberta Ursrey a kuna noun kewe ruemon kukun at ra puchor ne tingor aninis non ukukun [ipuku] 100 iach (90 m) seni ewe sat. Ra nom non ew pochokunen óuut me ra puwu non ewe sat. Ew pean pupunu ra achocho ngeni ne anisi kewe at, nge ra fen pwan onong non ewe óuut. Nge chon ewe faminien Ursrey ra turunong non ewe sat ar repwe anisi kewe chon tukken me mwitir chok tiwemon ra pwan onong non ewe óuut mi saa fesen.
Ese wor san. Ese wor chon tumunu chon tukken mi mwop. Ekkewe ponis ra kokori motan aninis, nge ekkewe aramas non ewe sat ra riaffou ren 20 [ruwe] minich me ra pekus iwe chamwer ra menitiw fan ewe sat. Jessica Mae Simmons I emon me nein ekkewe chon katon ra nom won ewe pi. Punuwan ewe a ekiekieta ewe ekiek pwe repwene fori efoch sein seni aramas. Ra puchor ngeni ekkewe aramas won ewe pi ar repwe anisir, me chommong me nein aramas ra akókó fengeni pour iwe ra teninong non ewe sat. Jessica a makkei. “Ren ach sia kuna aramas mi sokofesen ren fefin me mwan ra chufengen ne mokutukut ar repwe anisi UKUKUN aramas sise sisinei [a men] fokkun amwarar ach nengeni!!”6 Efoch sein a foruta seni [wanik] (80) aramas a meresino ngeni ekkewe chok tuken. Nengeni ei sasingin ei fansoun mi fokkun amwarar.
Meinisin won ewe pi ra chok tongeni ekieki minenomun atawen ewe osukosuk me rese chiwen mokutukut. Nge ew pean pupunu, non chok muttir ekiekieta ew anen atawen ewe osukosuk mi sokono. Ekiekieta me forata ir niffangen ngun. Nupwen sia aponueta ach kewe pwon, epwe fori ach sipwe sokono seni ekkoch non ach oruni me non neniach, nge a ngeni kich ach pochokunen memmef ach sipwe tongeni ekieki ekkoch atawen osukosuk mi sokono, mokutukut mi sokono, foforun mi sokono. Sisap masengeni met masowen ei fonufan iteitan, nge ach sokono non napanap mi murinno a tongeni ew aninis ngeni kewe ekkoch mi riaffou.
Oruanun sipwe esinaochu. Esinaochu wewen sipwe sineochu. Mut ngeniei upwe niwinsefaniti porousen Jessica Mae Simmons me won ewe pi. Nupwen ewe sein seni aramas a meresino ngeni kewe chon tuken, a sinei pwe a tongeni aninis. Jessica Mae a apasa, “Ua tongeni omochu ai ngasangas … me pwenieno ew nenien tuken an Olimpik fiti kinamwe! [Ua sinei ifa ussun ai upwe tou seni ewe oout mi safesen.] Ua sinei pwe uwa tongeni angei [emon me emon kewe chok tukken] ngeni ewe sein a for seni kewe aramas.” 7 Neminewe me punuwan ewe ra angei ekkewe pap ra wani ne áá won sat me ra aatiw ngeni ewe sein tori ir me pwan emon cho aninis ra tori ekkewe chon tukken iwe mwirin ra nukeir emon me emon ngeni ewe sein, ewe a pasinir ngeni ewe ngaseno won ewe pi. A wor an Jessica sokopaten nipwakoch: a sinei ifa ussun an epwe áá ngeni en óóut.
Ewe kapas annim mi pwano fateochun awewen. Nge sipwe tumunochu ifa ussun ach sipwe apiru. Ussun chok Jessica a kakaeo tuken, sipwe pwan kaeo ach sipwe manueni ewe kapas anim me mwen ewe weweitan osukosuk pwe, sisap nuokus, sipwe pochokun ach sipwe anisi ekkoch nupwen ra puno ren ewe oout.
Amuchunon, ewe enimuan sipwe fori ekkewe ruanu asan ren pwapwa. Ach sipwe pwapwa esap wewen pwe sipwe awora ew emenimen mi mwaken ina mwo ika met a fis. Nge a wewen pwe sipwe aponueta ekkewe annukun Kot me aueta me anisi ekkoch. .8 Nupwen sia aueta, nupwen sia anisata choun ekkoch, a efeiochu manauach non ekkoch an sosotuch ese tongeni epwe uweano. A wor ew porous seni Preseten Gordon B. Hinckley uwa kapini me iseta ikewe upwe kuna iteiten ran. A apasa: “Kosap … aworata nukunukumang ika tipemwaramwar. Kopwe nenengeni ren epinukunuk, angang fiti nuku, me mettoch mi fis.”9
Ew awewen ena pwapwa, ngunun epinukunuk, emon nengin [engon me unungat] 13 ierin ua sinei itan Elsa, an ewe famini a mokut ngeni Baton Rouge, Louisiana, [engorou wanupuku] 1,800 mwain (2,900 km) towaw seni chiechian kewe. Ese fokkun mecheres nupwen ka [engon me unungat] 13 ka mokut ngeni ew minefon neni. A fatengeni Elsa pwe ese fateoch ngeni ussun ewe mokut iwe saman ewe a efeiochu. Non ena fansoun ewe efeioch, noun inan ewe fon a afata pwe a wor ew minefon porous. Ewe fopun ewe a nom non ewe wart non Louisiana a tinano ei sasing fiti ewe porous “Kose mochen mokututo non ach ei wart!”10
Ekkei fopun ra epinukunuk pwe ra sani Elsa ina mo ika rese mwo churi i. Ar ewe mwasangasangeiti Elsa a forata epinukunuk non Elsa ussun ewe mokut seni imwer ewe epwene fis me an ewe iotek a ponu ussun ika mettoch meinisin epwe murinno.
A wor ew pochokun a feitto seni pwapwa me epinukunuk ese chok efeiochukich nge a oueta meinisin oruch. Ekis mettoch ka fori an epwe forata pwapwa non ekkoch a pwarano pwe en ka fen sopweno om kopwe ew minen apiru non ekkewe napanap Preseten Kimball a finata
Uwa [engon me nimu] 15 ier non ewe fansoun a tou an Preseten Kimball ewe afanafan. Kich kewe sia watte seni 40 [faik] sia fen sopweno ne uwei ei wis seni chok ena fansoun. Iei, ua nenneu won ekkewe mi wanu ierer, ekkewe engon me nimu 15 ierir, ekkewe (20) ier, me ekkewe inik me nimu (35) ier, iwe ngang upwe ewisa ngenikemi ei wis. Ami sou emwenin ei Mwichefen non fansoun mwach, me epwene pusin om finata om kopwe uwei ei saram mwemi me amo epwe unusochuno ei osuni. Kich kewe sia chinap seni 40 sia akokou fengeni pouch ngeni poum me mefi ewe pochokun me mokutukut. Sia mochen en.
Rongorong ngeni ei okisin a pwa me non Doctrine and Covenants 49:26–28. Meni epwe mak fan sokofesenin napanapan, nge non ei pwinin ren ewe Ngun mi Fel, uwa anean pwe oupwe ekieki pwe pusin kokomi ngeni ei angang mi pin.
“Iwe nengeni Ua apasa ngenikemi, feinno ussun uwa fen annuku ngenikemi; aier seni ami tipis meinisin; tingor iwe oupwe angei; fichifich iwe epwe suk ngenikemi.
Iwe nengeni, Upwe akomuno mwemi me upwe noumi chon anemwir; me upwe nom nukanapemi, iwe ousap osukosuk.
Iwe nengeni, Ngang Jises Kraist, me uwa mwitir feitto.11
Ua tingor ngeni emon me emon ami pwe oupwe uweikeminong non ew neni ikewe oupwe tongeni mefi ewe watten tong an Kot ngeni ami. Ouse tongeni oupwe onomukemi nunuseni ukukun ena tong. Nupwe ouwa mefi An tong, nupwenn ouwa tongei I, oupwene aier me aponueta an kewe annuk. Nupwen ouwa aponueta an kewe annuk, I epwe nounou kich non an ewe angang. An angang me an ning ina ewe manau me manau ese much ren fefin me mwan.
Fefinei, ekkewe soufos ra kokkorikich. Oupwe aramas wenechar? Oupwe pwarano ami nuku? Ami mi tongeni etiwa ami oupwe imufesen me sokofesen? Om pwapwa epwe ofi ekkoch ekkewe mi murinno me osufon me ekkewe ra mochen om chiechi ngenir nap seni sosotum? Oupwe etinata ami saram? Ua pwarata pwe ewe Samon Jises Kraist epwe feinno mwach me epwe nom neich.
Ua awesano fiti ekkewe kapas seni nouch ewe soufos mi uren tong, Thomas S. Monson: “Achengicheng fefinei, iei ami ei ran, iei ami fansoun.” 12 Non iten Jises Kraist, amen.