Naaltsoos Mormon Wolyéhígii Bidziilgo At’é
Diyin Yá’yałtí’ii Thomas S. Monson t’á ákiijį́ Naaltsoos Mormon Wolyéhígíi deiyínołtą́, áko nąą’áhoyá doo.
Shikis dóó shilákee, yá’át’ééh nihi dishní, kwe’é Nitsaago Áłána’adłeehdí Diyin Jesus Christ Binahagha’ Ninédláago Yá Naazinígíí Bísodizin Bá Hooghandi áłahniidlį́. Ałtsé éíyá ashdla’ Diyin Bighan Nitsaahígíí nidoonił éí bił nahaząą’ígíí éí: Brasila, Brazil; greater Manila, Phillipines area; Narobia, Kenya; Pocatello, Idaho, USA; dóó Sartoga Springs, Utah, USA.
Díí abiní Naaltsoos Mormon Wolyé’ígíí baa hadesdzį, éí bidzilgo át’e, áko éí biniinaa hazho’ógo yíniiltah dóó baah nísííkéés doo, dóó bina’nitinígíí bikéhgo hinį́įną́ą́’ doołeeł. Díí Naaltsoos Mormon Wolyéhigíí bidziilgo nihee oodla’ígíí éí ayóó baah hastį́.
Áchį́’anahootį́’ dóó doo yá’át’éehii bił kee dah hwiitį́. Há’a’t’į́į́sh éíyá nighąą’a holyą́ą́ doo, díí náhasdzaan bikąągi doo yá’t’ééhii dóó bąąhági’ át’éí nihinąągoo dah hólǫ́? Shí iinísingo éí Diyin Jesus Christ dóó bina’nitin yéígo yiníídląągo téíyá házhó’ogo ájooį́į́’ doo. Naaltsoos Mormon Wolyéhígíí doo t’áá akwiijį́ yinołta’go, t’áá shǫǫdi yįįłtá doo. Sodizin bił yíínołtágo dóó t’áá aníí shił bee hódooził nóhzingo, Diyin Niłchį́ Iízíínii binahjį́ t’áá aníí’ígíí nił bee hódolził. Áko t’áá aníí át’éíígo —t’áá Shí éí shił bee hózin —jó áko t’áá aníí Joseph Smith éí diyin yáyałtí’í niłį́ dóó Diyin God dóó Biyé Jesus Christ yiyiłtsą́.
Naaltsoos Mormon Wolyéhígíí éí t’áá aníí át’é, áko díí Dishjį́įdi Jesus Christ Binahagha’ Ninéídláago Yá Naazínígíí Bá Hogan éí Diyin bisodin át’é kwǫ́ǫ́ nahasdzan bikąą si’ą, dóó diyin bí beeadziil’ígíí ninál yahígíí ba’ałchina bee bíkéhójidlíí’ doo biniyeh.
Nihéí oodla’ doo yéigo bidziilgoo, bínaałnishgo hazhó’ó íídoodląął. T’áá wó hwéí oodla’ hólǫ́ǫ́ éí yá’át’ééh doo, háálá naanałah bee oodla’ bajólíígo éí doo nizaadgo nishdoo gał dah. Áádóó hwe’oodla’ haslíígo diyin bibeehaz’ąąnii bikéh hójiłííhgo dóó t’áá akwíijį́ sodilzingo dóó diyin bizaad jołtahgo t’éíya hwe’oodla’ bidziil doo.
Shíkisoo Diyin bánidaałnishígíí, t’áá ániiltsoh házhó’go sodilzingo dóó Naaltsoos Mormon Wolyéhígíí t’áá ákwííjį́ yiniiltah dóó baa nisídaakees doo. Áko Diyin Iisiziinii dídiitsił, dóó doo yá’át’ééhii bichį́ nihidziil doo, dóó doo néíldzid da doo, yá’ąąshiidę́ę́ nihi ká’a’na’alwo’ doo. T’áá aníí át’é shíjéí biyi’ doo shił bee hozin, Jesus Christ bizhé binájí, ádishnį́, Amen.