Prinsipionan i Promesanan
Ku nos por kuida nos kurpa i nos mente dor di opservá e prinsipionan ku nos ta haña den e Palabra di Sabiduria, un pan proveé divinamente.
Awe nochi rumannan, mi ta hasi orashon pa guia di nos Tata Selestial ora mi ta kompartí e mensahe aki ku boso.
Na 1833 Señor a revelá na e Profeta Jose Smith un plan pa biba salu. E plan aki ta para den e di 89 sekshon di Doctrina y Convenios i ta konosí komo E Palabra di Sabiduria. E ta duna guianan spesífiko pa loke ta trata e kuminda ku nos ta kome, e ta prohibí nos e uso di supstansianan ku por ta dañino pa nos kurpa.
Esnan ku ta obediente na Señor su mandamentu i ku ta mantené fielmente e Palabra di Sabiduria ta wòrdu prometé bendishonnan partikular, entre otro bon salu i resistensia físiko añadí.1
Resientemente mi a lesa un deklarashon real di un manifestashon dramátiko tokante e promesanan aki. Un miembro di Iglesia fiel, John A. Larsen, a sirbi durante e di Dos Guera Mundial den e Guarda Kosta di Merka riba e barku USS Cambria. Durante e bataya na Filipinas, a bin notisia di un eskuadron di bombardeo i avionnan kamikazi. A risibí òrdu pa evakuashon inmediato. Dor ku USS Cambria a bai kaba, John i tres kompañero a reuní nan ekipo i hasi lihé bai na e playa, sperando pa un left pa bai un di e barkunan saliente. Afortunadamente, un lancha di desembarká a piki nan i hiba nan lihé na un di e lastu barkunan den e bahia. E hòmbernan den e barku saliente, den un esfuerso pa evakuá mas lihé posibel, tabata okupá riba e superfisie i tabatin solamente tempu pa tira kabuya pa e kuater hòmbernan, ku e speransa ku nan mes por subi e barku.
John ku un radio pisá riba su lomba, a haña su mes ta kologá na final di un kabuya di 12 meter na banda di un barku bayendo laman ganchu. E la kuminsá ta trèk su mes bai ariba, man pa man, sabiendo ku e e laga bai, e lo muri kasi sigur. Despues di a subi solamente un tersera parti, el a sinti ku su mannan a kimando di doló. E la bira asina suak ku el a sinti ku e lo no por wanta mas.
Ku su forsa kabando, e la kontemplá su destino ku gravedat, John silensiosamente a yama Dios, bisando ku semper e la warda e Palabra di Sabiduria i ku e la biba un bida limpi – i awor e tin mester di e bendishonnan prometé desesperadamente.
Despues John a bisa ku ora e la kaba ku su orashon, e la sinti un forsa grandi [drenta su kurpa]. El a kuminsá subi atrobe i praktikamente a bula riba e kabuya. Ora e la yega e plataforma, su rosea tabata normal – kasi nada di hanshá. E bendishonnan di yudansa di salú i resistensia primintí den e Palabra di Sabiduria ta loke el a logra. El a duna danki na nos Tata Selestial pa e kontesta na su orashon desesperá pa yudansa.2
Rumannan, laga nos kuida nos kurpa i nos mente dor di mantené e prinsipionan indiká den e Palabra di Sabiduria, un plan divino proveé na nos. Ku tur mi kurason i alma, mi ta testifika di e bendishon glorioso ku ta warda nos si nos hasié. Ku esaki por ta asina, ta mi orashon, den e nòmber di JesuCristo, amèn.