Олар Оны әрдайым есте сақтайды

Аға Клаудио Р. М. Коста

Жетпістік

Кескін

Мен, Оның біздің баршамызға және мен үшін барлығын берген Оның өмірі туралы ойланып, оқығанды жақсы көремін.

Мен Бастапқы Қоғамның өлеңін жақсы көремін, онда былай делінген:

Исаның оқиғасын маған айтшы, мен тыңдағанды жақсы көремін,
Егер ол осы жерде болғанда, Одан маған бір нәрсені айтып беруін сұрар едім.
Жолдың жағасындағы оқиға, теңіз ертегілері,
Исаның оқиғасы, оларды маған айтшы.1

Меніңше, өз үйімізде қасиетті демалыс күнін ерекше күйде сақтауымыз үшін, дәстүр бойынша отбасымыз мен балаларымызға Мәсіхтің оқиғасынан бастауымыз керек деп ойлаймын.

Бұл, әрине, біздің үйге арнайы рух алып келеді және біздің отбасымызды Құтқарушының Өз үлгісімен қамтамасыз етеді.

Мен, Оның біздің баршамызға және мен үшін барлығын берген Оның өмірі туралы ойланып, оқығанды жақсы көремін.

Мен оның кіршіксіз таза өмірі туралы киелі жазбалардан оқығанды ұнатамын және Оның тәжірибелік оқиғалары айтылған жазбаларды оқыған соң, мен көзімді жұмып, мені рухани бекітіп, оқытатын сол қасиетті сәттерді елестетуге тырысамын.

Мына сәттер секілді:

Осылай ол жерге бір түкіріп, содан балшық жасап, Зағиптың көзіне жақты да, «Силоғам тоғанына бар да жуып таста!» Ол адам бағынып, «бетін жуып, көзі ашылып көретін болды».²
Қан кетіп ауырып келіп, тек Оған қолын тигізсем болды сауығып кетемін деп ойлаған әйел Оның етегіне қолын тигізген сәтте-ақ Ол әйелді сауықтырып жіберді.³
Теңіз бетімен жүріп, Ол Өзінің шәкірттеріне көрінген кезде.⁴
Ол Эммаусқа барар жолда шәкірттерге қосылып, оларға киелі жазбалардың бәрінде Өзі туралы айтылғандарды түсіндірді.⁵
Ол Солтүстік пен Оңтүстік Америка халықына көрініп, оларға Оның қасына келіп, бүйіріне қолдарын сұғып Оның алақаны мен Оның аяғындағы шегелердің ізін сезіп, Олар Оның «Исраил Құдайы болғанын, және бүкіл жер бетінің Құдайы және әлемнің күнәсі үшін өлім жазасына тартылғаны туралы білгендерін қалады».⁶

Мәсіхтің оқиғасын өз балаларына айтып беретін ата-ананың баршылығына қуанамын. Мен бұны балалар Шіркеудегі Бастапқы қоғамның бағдарламалары мен өзге шараларын көрген кезде байқадым.

Менің ата-анам маған Мәсіх туралы айтып оқытқанына ризашылығымды білдіремін. Мен әлі де, біз өзіміздің балаларымызды оқытқан кездегі Құтқарушының үлгісі менің қымбатты әйелім мен маған көрсеткен көмегін көріп келемін.

Менің балаларым Мәсіхтің оқиғасын менің немерелеріме айтқанын көрген кезде, менің жүрегім бақытқа толады. Бұл жазбадағы 3 Жоханның 1-ші тарауындағы 4-ші шумақта айтылған «Мен үшін менің балаларым ақиқат жолында жүргенін естуден артық қуаныш жоқ» сүйікті үзінділердің бірін есіме түсіреді. Біздің немерелерімізге де неге сүйтпеске?

Мен бізді Мәсіх туралы, қасиетті демалыс күнді сақтап және әр жексенбі сайын Құтқарушының атына қабылдайтын діни анты туралы тәлім беретін біздің жетекшілерге ризашылығымды білдіремін.

Біз Мәсіхтің оқиғасы туралы оқыған сайын демалыс күні мен діни анты анағұрлым жақын болып келеді. Солай, біздің сеніміміз бен куәгерлігімізді өсіретін және отбасымызды қорғайтын дәстүрді құрамыз.

Бірнеше апта бұрын, өткен Бас Конференцияда Президент Рассел М. Нелсонның айтқан хабарын тағы оқи отырып, және Демалыс күні туралы ойланғанда, мен діни антын қабылдау батасы мен билікке деген шексіз алғысымды сездім. Мен үшін бұл ең қасиетті де рухани сәттің бірі болып табылады. Маған діни анты жиналысы қатты ұнайды.

Ойлана отырып, мен нан мен суға берілетін баталар туралы мұқият оқып шықтым. Мен оқи келе діни анты арнауы мен мінажат туралы терең ойландым. Менің сана сезімім мен жүрегім соған байланысты оқиғаға толы болды.

Рухани толғаныста, мен сол күнді тұщы нан мейрамының бірінші күні туралы ойландым, Мәсіх мейрам асының дайындығы туралы сұраған шәкірттеріне мынадай жауап берді; «Қаладағы мен айтқан адамға барып, оған былай деңдер: «Бұйырылған уақытым жақындап қалды. Мейрам салтын шәкірттеріммен бірге сенің үйіңде орындамақпын деп Ұстазым сәлем айтты».⁷

Мен шәкірттердің азық-түлік сатып алып, үстел жайып Онымен бірге осы ерекше күнде бірге тамақтануға дайындалғанын елестетуге тырыстым: 13 адам, Өзінің жақсы көретін 12 шәкірті мен Өзіне арналған үстел.

Олармен бірге тамақ ішіп отырғанда Мәсіх оларға қарап: «Сендерге шындығын айтайын: араларыңдағы біреу маған опасыздық жасайды» дегенді елестеткен кезімде, көзім жасқа толды».⁸

Мен олардың еңселері түсіп, Одан: «Ие, сол адам мен емес пе екенмін?»⁹ деп сұрағаны туралы ойландым.

Оған опасыздық жасаған Яһуда да сол сұрақты қойған кезде, Ол оған жай ғана, «Мұны өзің айтып тұрсың»¹⁰ деді.

Менің елестеткенім, ол шүкіршілік етіп, қолына нан алып бата берді де, нанды үзіп шәкірттеріне беріп жатып Мәсіх: «Алып жеңдер, бұл - Менің денем»¹¹ деді.

Содан соң Ол тостағанды да алып, шүкіршілік етті де оларға беріп жатып: «Мынадан бәріңде ішіңдер, өйткені бұл – күнәлары кешірілсін деп, көптеген адамдар үшін төгіліп, жаңа келісімді бекітетін Менің қаным»¹² деді.

Менің ойымша, мен шәкірттердің әрқайсысына қарап, өздерінің жақсы көретін Ұстазына деген олардың уайымын олардың көздерінен байқадым. Мен олармен сол жерде бірге болып, бәрін өз көзіммен көргенге ұқсас болды. Мен жүрегімнің ауыр қайғыға түскенін сездім, Ол мен үшін Өзін құрбан етуге дайын болғаны қатты жаныма батып қатты қайғы үстіне салды.

Менің жаным жақсы адам болуға қобалжыған ниетке толы болды. Өкініш пен қайғыда бар жан тәніммен тілерім, Оның Гетсиман бағындағы тым болмаса тамған қанның шамамен төгілгенін болдырмас үшін, мүмкіндігінше кептірер едім.

Содан соң мен әр апта сайын Оны еске алу үшін қабылдайтын діни анты туралы ойландым. Солай істей отырып, мен нанға және суға берілетін батаның әр айтылған сөзі туралы ойландым. Мен суға берілетін батаның «олар оны әрдайым есте сақтап» деген сөздеріне терең мән бердім.¹³

Оны әрдайым есте сақтау деген сөз қандай мағынада айтылғаны туралы ойландым.

Меніңше бұл мынаны білдіреді:

Оның жер бетіне келерге дейінгі өмірінде, Оның осы тамаша әлемді жаратқанын еске сақтау.¹⁴
Оның Яһудея аймағындағы Бетлехемнің қарапайым жерінде дүниеге келуі.¹⁵
Оның 12-жасар бала болған кезінде де, Ол ғибадатханадағы дін мұғалімдерін оқытып, пайғамбарлық еткен кезін де.¹⁶
Оның айдаладағы арнайы жерге барып, жер бетіндегі қызметіне дайындық жасау үшін кеткен кезін еске алу үшін.¹⁷
Ол Өзінің үш шәкіртінің алдында өзгеріске түскен кезінде.¹⁸
Оның олармен бірге Соңғы астағы діни антын орнатқан кезді еске алу.¹⁹
Оның Гетсиман бағына барып, біздің күнәларымыз үшін рухани күресіп қатты қиналған кезде Оның тері қан тамшыларына ұқсап жерге тамып жатты, осыны есте сақтайық.²⁰
Гетсиман бағында рухани ауыр азаптан өтіп, досы деп атаған, шәкірттерінің бірі бетінен сүйіп тұрып опасыздық жасағанын еске алу.²¹
Оны Пилат пен Иродтың алдына сот шешімін шығару үшін әкелген кезді есте сақтау.²²
Оны ұстап тұрғандар мазақтап, басқа да жаман сөздермен қорлап, бетіне түкіріп, Оның денесіне ауыр тиген қамшының астына алып соққан кезде есте сақтау.²³
Оның басына тікенді бұтақшалардан тәж өріп, аяусыз басына кигізген кезді есте сақтау.²⁴
Ол физикалық және рухани ауыр қиналысын өтіп, айқышта шегелену үшін, Өзінің айқыш ағашын Маңдайтөбе деп аталатын жерге Өзі жеткізгенін есте сақтау.²⁵
Айқыш ағашта, Оның қойнауы сүйіспеншілікке толы, Ол Оны айқыш ағашқа керіп тастаған адамдарға қарап, және көзін көкке көтеріп: «Әке оларды кешіре гөр; олар не істеп жатқандарын түсінбейді»²⁶ деп сиынғанын есте сақтау.
Ол бүкіл адамзатты құтқару Өзінің миссиясын атқарғанын біліп, біздің Әкеміздің, Өз Әкесінің қолына Өзінің рухын тапсырып, жан тәсілім еткенін есте сақтау.²⁷
Оның Қайта тірілуін еске алып, біздің өзіміздің қайта тірілуіміз және мәңгілікке Оның қасында өмір сүруге мүмкіншілік, біздің жасаған таңдауымызға байланысты екенін есте сақтау.²⁸

Сонымен қатар, діни анты дұғасы туралы және баталарда айтылған сөздердің маңыздылығының мағынасы, діни антына бата берген кездегі Онын батасын алу қандай керемет екендігін менің есіме түсіреді және әрқашан Оны есте сақтай отырып, әрдайым Оның Рухына ие болатынымызды.²⁹

Мен Құдайдың бізге аян беретін өз уақытысы бар деп, сенемін. Мен осыны Даналықты уағыздауды 3:1,6 оқыған кезде түсіндім, онда былай делінген:

«Әр заттың өз уақыты бар, және аспан астындағы әр мақсаттың уақыты да: …

Алатын уақыт, жоғалтатын уақыт, сақтайтын уақыт пен тастайтын уақыт».

Діни анты ол да Көктегі Әкемізге Сүйікті Ұлы-біздің Құтқарушымыз, Иса Мәсіхтің Өтелуі туралы оқытып, бізге сол туралы аян алуға берілген уақыт. Бұл сұрақ қойып білім алу үшін «есікті қағыңдар, сонда ол сендерге ашылады»³⁰ уақыты . Біз үшін сол білімді Құдайға аса зор құрмет көрсетіп сұрайтын уақыт. Егер біз солай істейтін болсақ, біз өмірдің шексіз батасына айналатын сол білімдерді алатынымызға күмәнім жоқ.

Мен Демалыс күнін, діни антты және ол не мағынаны білдіреді соны жақсы көремін. Мен Құтқарушыны жан тәніммен сүйемін. Иса Мәсіхтің атына. Аумин.