Mukenji wa ku Ngondu Bua Dikankamika dia Bansonga, Ngondu Muisambombu 2026
Pikala dikudimuna mutshima dikala ngezelu, ngenzelu ewu udi tshinyi bushuwa?
Ditutakena ne Mupandishi, kudi Jen Tolman
Balombodi ba Ekelezia badi balongesha misangu yonsu ne kudi bintu bikuabu bidi ne mushinga bua dikudimuna mutshima dilelela. Bidi biangata ditabuja mu Tatu wa mu Diûlu ne mu Yezu Kilisto, dibungama bua bubi, ditonda, dilekela dia bubi, ne nsombelu mululama.
Bidi ne mushinga, ne padi balombodi ba buakuidi bajingibua bua kutuambuluisha ne kukudimuna mutshima bua mibi mikola, badi mua kutulomba bua tuenza bintu kampanda. Kadi patudi tuamba ne dikudimuna mutshima didi ngenzelu, katuena tuamba ne tshidi tshifundidi anyi lista wa bintu bia kuenza to. Kakuena tshintu tshikola pa tshiotshi to. Bidi bilomba mutshima wetu mujima—ne bidi mua kulomba diba. Ke tshitudi tukeba kuamba patudi tuakula bua ngenzelu. Bidi biangata diba ne, nangananga, disuminyina. Kadi vulukayi ne “Yezu udi utupesha mishindu ya mbangilu mipia mipia itudi nayi dijinga” ne “Buakana ke ndipanga mibi to.”
Tudi mua kupeta difuidibua lusa pa lukasa misangu yonsu itudi tudikeba bushuwa. Kadi ngenzelu wa dikudimuka kupitshila ku bukola bua Mupandishi udi utungunuka.
Tudi ne bua kukudimuna mutshima dituku dionsu ne disanka, kabiyi ne bibenda anyi dibungama. Kupitshila ku bukola bua Mupandishi, tudi mua kukudimuka. Ne dikudimuka dia bushuwa didi amu ngenzelu.
© 2026 by Intellectual Reserve, Inc. All rights reserved. Bipatula mu USA. Dianyisha mu: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, June 2026. Tshiluba. 20075 760