Mukenji wa ku ngondu Bua Dikankamika dia Bansonga, Ngondu wa Tshitema 2025
Yezu Kilisto Udi Kabidi bua Matuku Mimpa
Padi bintu bienda bimpa, mushiindu kayi utudi mua kushala bashindamena pa Musungidi? Eyi idi imua ngenyi.
Ela meji pikala mulunda upitshisha diba neba padiyi utata ne ukuepuka padiye ne disanka. Malanda Mashema anyi? Nangananga to.
Tutu tutamba kutshienzela Musungidi wetu— tumukeba mu bikondu bikola ne tumupua moyo mu bikondo bimpa anyi?
Tutu tuakula bikola pa mushindu udi Yezu Kilisto utuambuluisha mu bikondo bientu bikola, ku misangu bualu muntu yonsu, ku musangu ne mukuabu, utu upetangana ne bintu bikola.
Kadi kutu matuku makuabu—mbingu anyi bidimu, tuetu ne diakalenga—muaba udi malu enda bushuwa bimpa. Misangu mikuabu, tutu tupua Musungidi moyo mu bikondu ebi. Bantu ba mu Mukanda wa Molomo bakenza nunku. Bakalubuluka kupitshila ku mabenesha a Nzambi bua tshikondo, kadi bushuwa bakuwujibua ne maditambishi pavuabu bamupua moyo.
Bikondo biakana kabiena buimvuija ne katuena bushuwa dijinga ne Yezu Kilisto to. Bikondo bia dilubuluka bidi bikondo biakana bia kutshionkomoka ne Musungidi, kabiyi bia kumupua moyo nansha.
Kadi mushindu kayi utudi mua kushala balamatshibua kudi Yezu Kilisto ne Tatu wetu wa mu Diûlu padi ntatu kayiyi ituvuluija bua kukudimuka kudibu?
Ikala ne Kudipuekesha
Padi bintu bienda bimpa, bidi bimpa bua kusekelela mabenesha ne makumbaji bieba. Kadi kupua moyo udi mubienza bua bikumbana bueba bua wikala muaba uwudi awu. Mfumu Benyamina wakabiela nunku mu dilongesha mu Mukanda wa Molomo:
“Bualu monayi, katuena bonsu balombi anyi? Katuena bonsu beyemena kudi muntu Umua, Nzambi mena, bua bintu bionsu bitudi nabi, bua biakudia ne bilamba, ne bua ngolo, ne mpalata, ne mabanji onsu atudi nawu a mishindu yonsu anyi?” (Mosiya 4:19).
Kuikala ne kudipuekesha pa ditanta dieba mu kuvuluka tshinyi tshidi Tatu wa mu Diûlu ne Yezu Kilisto benza bueba tshidi mushindu munena wa kubêla mu bikondo bieba bimpa.
Ikala ne Kusakidila
Dianyisha didi dimua dia ku bisalu bilenga ku diditambisha ne dipua moyo. Kusakidila Nzambi nekukuambuluisha bua kumuvuluka ne bintu bionsu bimpa bidi Yeya ne muanenda benza mu nsombelu weba. Etshi tshidi bu tshiakana bu bikondo bimpa ne mu bikondo bikola.
Ikala ne Budimu
Tshimua tshia ku mateyi a Satana tshidi “kukubembesha mu bukubi bua mubidi” (2 Nefi 28:21). Mu miaku mikuabu, mujinga bua udiumvua bushuwa mutuishibua mukubibua mu bikondu bieba bimpa bua upua moyo bidi ne mushinga mupita. Nunku, kupua Nzambi moyo to! Pawudi ushala ne budimu ku mateyi matua a muena lukuna ne uâtantamena mu matuku eba mimpa, udi mua kushala pabuipi ne Tatu wetu wa mu Diûlu ne Yezu Kilisto.
Mulami Muimpa wa Mikoku, kudi Michael Malm
Shala Muimanyina pa Kilisto
Mulombodi Mukulu Russell M. Nelson wakalongesha: “Padi nshindamenu wa mioyo yetu muikala mu bulongolodi bua Nzambi bua dizanjikibua … ne Yezu Kilisto ne lumu luimpa luenda, tudi mua kumvua disanka nansha bionsu bidi bifika—anyi bidi kabiyi bifika—mu nsombelu wetu. Disanka didi difuma kudiyi ne bualu buenda. Udi mushimi wa masanka onsu”.
Mushindu kayi uwudi wela meji bua bulelela ebu pa disanka padi moyo uya bimpa? Etshi katshiena anu mubelu wa busambi padi malu makola. Bidi bushuwa bulelela, biangata ne matuku eba malenga. Enza bionsu biwudi mua kuenza bua kushindamena pa Kilisto, mu bikondu bikola nansha bimpa.
© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. DIkudimuna dia Monthly For the Strength of Youth Message, September 2025.Tshiluba19626 760