Klumech er a bek el buil Kirel a Klisichir a RengeasekOngeuid el buil 2025
Uriul er Tial Klengar
Nger el mora Bebil er a Ker
Sel Uldesuel a Chedam er a Babeluades a sebechel mestik a ues me a budech el kirel a klengar ruriul er a kodall.
Sunga er a Thomas Arnaud
Ngera mo dubech ruriul er a de mad?
Tiang a locha e a ker er a rokui el klechelid. A nger el dolab lokiu a Jesus Kristo me a ebangkelio er Ngii a mesisiich. Tial klengar a diak lulebengelel. Ele a uchul a Jesus Kristo a milekiis er a kodall, ea delbenged a mo dmak lobengkel a bedenged, e kid a tara klebesei e kede mo mekiis er a kodall.
E uaisei, el ngarngii a bebil er a komakai el tekingel a klengar ruriul er a demad el ngii a mla mei rekid lokiu a chocholt er a chelechal taem el ngii a onger a kerid el dolab. Aikakid a kuk di sesei er a ker, el uldak er a bebir er a nger.
Ng ua ngera teletelel a delbengel a chad?
A Reng a uai kid, endi lmuut el ungil bliich malechub eng mechellins (Doctrine and Covenants 131:7). A bedengel a Reng/Delbengel a chad a di uai a bedengel a klou el chad.
Ngar ker a beluu er a redeleb?
Ngera ngarngii er a belurir a redeleb?
Bebil er a tekoi, ea delbengir a rechad el tir a mla nguu a ebangkelio a mo mechederoder el mo olisechakl er a ebangkelio el mora delbengir tirkel dirkak el nguu a ebangkelio. Tirkal delbengir a rechad a melilt el mo nguu malechub e ng diak.
Ng ua ngera bedengir a remla mekiis er a kodall?
A mla mekiis el bedengel a chad a diak el sebechel mad, el lou tech me a chiuis e cherrungel. Te mla mekebkall e klebokel. “Ng diak a ngeral desang el lemuut el klebokel er a sechal malechub a redil el mla mekiis er a kodall.”
Ngera ngarngii er sel kot el ngarbab el renged?
Tirkel ngarsel kot el ngarbab el dauch er a ngarbab el klebkall a di mo uai a Demad er a Babeluades e nguu a cherrungel el deurreng. Te ngmai a rokui el lolab a Chedam. Te teloi er a Urerel me a Klebkellel. Te mle merenged er a chelebechiil el mo cherechar me chelecha e te kiei el diak a ulebengelel telungalek, e oungalek er a diak a ulebengelel el reng el ngelekir.
E mekera tirkel diak el bol bechiil er tial klengar?
A Chedam er a Babeluades a cherrungel el melemalt e chubchubchad. “A Rubak a mla yaksok el ngarsel diak a ulebengelel eng diak a klengeltengat el moreked er a rengelekel sechal me a redil el ultirakl a llach, e melemalt er a telbilir, e sorir a ikel melemalt el tekoi.”
A delak me a demak a mle merenged er a templo, e mla mo diak el kaubuch. Ngak a rengodel el mo er techang?
Kau a locha “mlechell er a chelsel a telbiil” (tia, milechell er ruriul er a le merenged a delam me a demam er a templo), malechub e ke mle merenged el mora delam me a demam er a templo ruriul er tir el terung er a le merenged. Ngii el teblong, e a klengeltengat a medechel loureor ngii mesel chad ra blim lolilt el mo merek el bechiil e suldii sel omerenged er tir.
A ikel lolilt a delam me a demam a diak a ngeral relii er a klengeltengat el me er kau. Sel kot el klou a ultutelel a kau el melemolem el blak a rengum e osiik a klengeltengat er a templo. Diak el iior er a deleuill er a telungaelk er kau, kau a kirem el “oumerang er a Rubak e osiik er a ungil besul el ngar Ngii,” e medengei el kmo a “Chedam er a Babeluades a kudmeklii me a derta el chad el nguu a klengeltengat el ngii a soal el lolilt.”
Ngera mo dubech el mo er tirkel chad el di mle tir el kodebengii a klengar er tir.
Kid a diak dodengei el kmo ngera mo dubech el mora rechad el kodeb a klengar er tir, e diak el sebeched el melebodeb (el kmal di uai a rebek el chad,). “Meng mora tkul rebab el sebecherir a rebetik a rengrir, roungerachel, me a resemmong, a di ngii el kodebengii a klengar a diak el sebeched el blechoel el torbengii. …
“Ng diak el melemalt er a chad el di ngii el kodebengii a klengar er ngii. Engdi, dita el Dios a sebechel melebodeb er a uldesuel a chad, omerellel, me a telkelel a ngerchelel (mesa 1 Samuel 16:7; Doctrine and Covenants 137:9). …
“Tirkel mla mad a chederir el mle kodebengii a klengar er tir a sebechir el metik a urungulir me a omekungil el ngara Jesus Kristo me a Tngakireng er Ngii.”
© 2025 lokiu Intellectual Reserve, Inc.All rights reserved. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, July 2025.Palauan 19618 881