Mukenji wa ku Ngondu Bua Dikankamika dia Bansonga, Ngondu wa Muanda Muteketa 2025
Panyima pa Moyo Ewu
Mandamuna ku Imua Nkonku
Bulongolodi bua Tatu wa mu Dîulu budi mua kutupesha lumonu ne ditalala dia moyo panyima pa lufu.
Bimfuanyi bia kudi Thomas Arnaud
Tshinyi tshidi tshifika patudi tufua?
Elu ludi pamuapa lukonku mu bitendelelu bionsu. Mandamuna atudi nawu kupitshila ku Yezu Kilisto ne lumu luimpa luenda adi a bukola bua bungi. Moyo ewu kawena ndekelu to. Bualu Yezu Kilisto uvua mubika ku lufu, nyuma yetu ne isangishibua ne mibidi yetu, ne netubika tuetu bonsu dimua dituku.
Bushuwa, kudi mumvuija makuabu pa tshidi tshitangila moyo panyima pa lufu atudi bapeta kupitshila ku dibuluila dia tshikondu esthi didi mua kuandamuna nkonku mikuabu itudi mua kuikala nayi. Eyi idi nkonku mikesa, ilonda ne mandamuna makesa
Mushindu kayi udi mibidi ya nyuma?
Nyuma udi bu tshintu kampanda, anu “tshimpa bikola anyi tshikezuka” (Dilongesha ne Bipungidi 131:7). Mibidi ya mu nyuma idi bu mibidi ya bantu bakola.
Muaba wa nyuma udi kuepi?
Ntshinyi tshidi tshienzeka mu muaba wa nyuma?
Munkatshi mua bintu bikuabu, nyuma idi mitaba lumu luimpa idi milongolola bua kuyisha lumu luimpa kudi nyuma idi kayiyi mianji kuitaba. Nyuma eyi idi mua kusungula bua kuitaba anyi kubenga.
Mushindu kayi udi mibidi idi mibika ku lufu ?
Mibidi idi mibika ku lufu kayena mua kufua to, idi ne musunyi ne mifuba, ne mipuangana. Idi ne butumbi ne mimpa. “Kakuena tshintu tshimpa bikola bua kutangila kupita muntu muluma anyi mukaji udi mubika ku lufu.”
Ntshinyi tshidi tshipitakana mu bukalenga bua selestiya?
Aba badi mu mulongu mutamba bunena wa bukalenga bua selestiya badi balua bu Tatu wetu wa mu Dîulu ne badi bapeta disanka dia bungi. Badi bapeta bionsu bidi tatu nabi. Badi bangata muaba mu mudimu wenda ne butumbi buenda. Bavua basuikibua mu dibaka bua tshiendelela ne pindiewu badi basomba mu mêku a tshiendelela, bikala ne bana babu ba mu nyuma ba tshiendelela.
Kadi bua bantu badi kabayi banji kusedibua mu moyo ewu?
Tatu wa Mu Dîulu udi ne buakana ne lusa. “Mukalenga mmulaya ne mu tshiendelela kakuena dibenesha nansha dimua didibu mua kubengela bana benda ba baluma anyi ba bakaji, badi batumikila mikenji, badi ne lulamatu ku bipungidi biabu, ne badi benza malu mimpa.”
Baledi banyi bavua basuikibua mu ntempelo, kadi pindiewu mbabengangana. Nkudi nganyi kundi musuikibua.
Nudi mua kuikala “baledibua mu bipungidi” (buena kuamba ne, baledibua panyima pa baledi benu basuikibua mu ntempelo), anyi nudi mua kuikala basuikibua kudi baledi benu mu ntempelo panyima pa bamana kusuikibua kudi umua ne mukuabu. Nansha biobi nanku anyi to, mabenesha enu adi anu ne mushinga nansha baledi benu basungula bua kubengangana ne kuimanyika disuikibua diabu.
Masungula a baledi benu kaena ne buenzeji ku mabenesha enu to. Tshia mushinga mukola bueba tshidi tshia kuikala ne lulamatu ne kukeba mabenesha eba a ku ntempelo. Pa bidi bitangila malanda a mu mêku enu, nudi ne bua “kueyemena Mukalenga ne kukeba busambi buenda”, mumanya ne “Tatu wa mu Dîulu nênza bua muntu yonsu apeta mabenesha onsu adiye musua ne adiye usungula.”
Ntshinyi tshidi tshifikila bantu badi badishipa?
Katuena bamanya tshidi tshifikila bantu badi badishipa, ne katuena mua kubalumbuluisha to (anu bu bantu bakuabu bonsu). “Nansha didienzeja dia banangibua, balombodi, ne bamanyi ba malu a mu nsombelu, kudishipa kakutu ne mushindu wa ku kuepuka misangu yonsu. …
“Kabiena bimpa bua muntu kudishipa to. Kadi, anu Nzambi ke udi mua kulumbuluisha meji a muntu, bienzedi bienda ne mushindu udiye mua kufila diandamuna (tangila 1 Samuele 16:7; Dilongesha ne Bipungidi 137:9). …
“Aba badi bajimija banangibua ku kudishipa badi mua kupeta ditekemena ne londopu kudi Yezu Kilisto ne Mulambu wenda wa Bupikudi.”
© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, July 2025. Tshiluba. 19618 760