Pweng Mwe Ahkkweye Mwet Fuhsr Ke Kais Sie Mahlwem, Julahe 2025
Tukun Moul Se Inge
Top nuh ke Kuhtuh Kihsensiyuck
Plwacn luhn Pahpah Inkuhsrao kuh in use nuhnak lasr ac mislac ke moul tukun misac.
sroal sel Thomas Arnaud
Meac sikyak tukun kuht misac?
Ma se inge sahppa kihsensiyuck ke alu nuhkwewa. Top ma oasr yohrohsr kacl Jisus Kraist ac wosasuc Lal arulacna fokoko. Moul se inge tiac pa inge sahflahiyac. Ke srihpen Jisus Kraist el tuh misac moulyak, nguhn lasr uh fah sifilpac fohlohkyang nuh ke mahno lasr uh, ac kuht nuhkwewa fah sifil moulyak sie lwen.
Ahok, oasr pac mwe fahk sahyac ke moul tukihn misac ma tuhkuh nuh sesr ke fackyuck in lwen inge ma kuh in topuk kihsensiyuck sahp oasr yohrohsr uh. Pa inge kuhtuh kain in kihsensiyuck sac, wi pac kuhtuh top fototo.
Meah nguhn in mahno uh oacna?
Nguhn el kain in atac se, se fanna “wo na upac kuh nwacsnwacs” (Doctrine and Covenants 131:7). Nguhn in mahno liyeyuck muh oacna monin mwet mahtuh uh.
Piyac facl luhn nguhn?
Meac orek ke facl luhn nguhn uh?
Weacng kuhtuh ma sahyac, nguhn ma eis ke wosasuc elos oraclah in luti wosasuc nuh sin nguhn ma tiacna eis ke wosasuc. Nguhn ingoh kuh in lwelah kuh fohlohkuhnlah.
Meac mahno sifil moulyak uh oacna?
Mahno sifil moulyak koflah misac, elos ikowac ac sri, ac wo na pwacye. Elos wolacna ac kahto. “Wacngin kuhtwena ma kahto oacna in liye sie mukul kuh muhtwacn sifil moulyak.”
Meac orek ke tohkohsrahi luhn celestial?
Elos ma oasr ke lacfuhl fuhlwact se emet ke tohkohsrahi luhn celestial eklac oacna Pahpah Inkuhsrao ac puhlakihn sie engan wacngin sahflahiyac. Elos ipeis ke ma nuhkwewa oasr yurin Pahpah. Elos oasr ke orekma ac wolacna Lal. Elos siliyucki ke macruht lalos ne tok ma pahtpaht ac inge muhta ke sucu ma pahtpaht, oasr tuhlihk nguhn ma pahtpaht nahtuhlos sifacna.
Meac sikyak nuh selos ma tiac pahyuck ke moul se inge uh?
Pahpah Inkuhsrao el suwohswohs na pwacye ac pahkotwen. “Leum el tuh olwelah muh ke moul ma pahtpaht wacngihn mwe insewowo ac fah tulokihnyucki nuh sin wen ac acn ma liacacng ma sap, suwohs nuhke wuhlweacng lalos, ac luhngse ma pwacye uh.”
Pahpah tuhmuhk ac ninac kiuck ah tuh siliytucki ke tempuhl, tuhsruhk ingena elatahl tifohrs. Kuh suc ngac siliyucki nuh se uh?
Sahp kom tuh “isuslac nuh lun wuhlweacng sac” (pa in, isuslac tuhkun pahpah ninac kiom ah tuh siliyucki lun tempuhl), kuh sahp kom tuh siliyucki nuh sin pahpah ninac kiom ah tukun eltahl tuh siliyucki nuh sie ah. Siena sin ohiyac inge, mwe insewowo lom an srackna oasr finne pahpah ac ninac kiom an sulaclah in tifohrs ac oraclah siling laltahl ah in foslac.
Sulaclah luhn pahpah tomom ac ninac kiom ac tiacna ahkkolukye mwe insewowo lom an. Ma se yohk srihpac emet uh pa kom in sikalweni in ahkos ac suk mwe insewowo ke tempuhl nuh sum sifacna. Nuhke inmahsrlon sucu lom an, kom enenuh in “luhlahlfongi in Leum ac suk kahsruh Lal,” etuh lah “Pahpah Inkuhsrao el fah ahklohye lah kais sie mwet eis mwe insewowo nuhkwewa ma el (mukul) kuh (muhtwacn) luhngse ac sulaclah an lwelah.”
Meac sikyak nuh sin mwet misac ma sifacna eslah moul lalos?
Kuht tiac etuh lah meac sikyak nuh sin mwet misac ma sifacna eslah moul lalos, ac kuht tiac kuh in nuhnuhnkwacltahl (oacpacna mwet nuhkwewa, ke sahflah). “Finne kahsruh yohk luhn mwet elos luhngse, mwet kol, ac mwet sahslah, sifacna eslah moul la tiac arlac fihsracsr pacl nuhkwewa in kosrweyucklac. …
“Tiac ma wowo se in eslah moul lal (mukul) kuh (muhtwacn) sifacna. Tuhsruhktuh, God muhkwena kuh in nuhnuhnkuh nuhnak, orekma, ac mwactwen sie mwet (see 1 Samuel 16:7; Doctrine and Covenants 137:9). …
“Elos ma oasr mwet sacohk la ma sifacna eslah moul la kuh in konwacack finsrak ac ahkkweye ke Jisus Kraist ac Iwaclah Lal.”
© 2025 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lwenglah luhn Pweng nuhke Mwe Ahkkweye MWet Fuhsr ke Kais Sie Mahlwem, Julahe 2025. Language.19618 000