Bosoom Bosoom Ma Mbabun Enya Ahoɔdzen Amandzɛɛbɔ, Ayɛwoho 2025
Abrabɔ Yi n’Ekyir
Nyiano ma Nsɛmbisa Binom
Ɔsor Egya ne nhyehyɛɛ botum ama hɛn nhumu na asomdwee fa owu ekyir abrabɔ ho.
Thomas Arnaud yɛɛ nsaano mfonyin no
Ebɛnadze na osi wɔ hɛn owu ekyir?
Bia iyi nye asɛmbisa no wɔ nyamesom nyina mu. Tum wɔ nyiano horow a ɔnam Jesus Christ na N’asɛmpa do yɛwɔ no mu. Abrabɔ yi nnyɛ ewiei no. Osiandɛ Jesus Christ soɛree fi owu mu ntsi, hɛn esunsum nye hɛn nyimpadua bɛsan abɔ mu, na dakor hɛn nyina bɔsoɛr efi owu mu.
Nokwar, nsɛm pii so wɔ hɔ fa owu ekyir abrabɔ ho a ɔnam ndɛ nyikyerɛ do hɛn nsa aka a wobotum eyi nsɛmbisa bi so a yɛwɔ ano. Nsɛmbisa a ɔtsetse dɛm kakra wɔ ha, nye nyiano tsiabaa.
Esunsum nyimpadua tse dɛn?
Sunsum yɛ abɔdze-dze, mbom “ɔyɛ mehemehe anaadɛ ɔtsew’’ (Nkyerɛkyerɛ na Ahyɛmudzi 131:7). Esunsum nyimpadua tse dɛ mpanyin nyimpadua.
Sunsum wiadze wɔ hemfa?
Ebɛnadze na ɔkɔ do wɔ sunsum wiadze?
Dza ɔkekã ho no, esunsum a wɔagye asɛmpa no ato mu no wɔahyehyɛ hɔn dɛ wɔnkã asɛmpa no nkyerɛ esunsum a wɔnngye asɛmpa no nnto mu. Esunsum no botum asan mu eyi dɛ wɔbɛgye ato mu anaa wɔbɔpow.
Esunsum nyimpadua a wɔasoɛr efi owu mu tse dɛn?
Nyimpadua a wɔasoɛr efi owu no nnkotum ewu, wɔyɛ honam na biew, na wodzi mu. Wɔyɛ enyimnyamfo na wɔyɛ fɛw. “Biribiara nnyi hɔ a ɔyɛ fɛw yie dɛ ebɔhwɛ a ɔkyɛn ɔbarimba anaa ɔbaa a ɔasoɛr efi owu mu.’’
Ebɛnadze na ɔkɔ do wɔ celestial ahenman mu?
Hɔn a wɔwɔ celestial ahenman ntwerba a ɔkrɔn koraa mu no bɛyɛ tse dɛ hɛn Ɔsor Egya na wonya enyigye ne mãhyɛ. Wonya dza Egya no wɔ nyinara. Wɔdze hɔnho hyɛ N’edwuma na N’enyimnyam mu. Wɔsɔɔw hɔn ano wɔ awar mu maa mfesantsen na sesei wɔtse ase wɔ onnyiewiei ebusua ebusua mu, a wɔwɔ hɔnara hɔn onnyiewiei sunsum mba.
Na nkorɔfo a wɔannwar da wɔ abrabɔ yi mu ɛ?
Ɔsor Egya yɛ pɛrpɛr na mbɔbɔrhufo emudzi mu ara. “Ewuradze abɔ anohoba dɛ wɔ mfesantsen mber mu no nhyira biara nnyi hɔ a wɔdze bɛkam ne mbambanyin na mbabaa a wosie mbrasɛm no, wɔyɛ hɔn ahyɛmudzi horow ho nokwarfo, na wɔpɛ dza ɔtsen.’’
Wɔsɔɔw m’awofo ano wɔ temple, mbom sesei woegyaa awar. Woana ho na wɔasɔw me afam?
Bia na “wɔwoo wɔ ahyɛmudzi mu’’ (ɔno nye dɛ, wɔsɔɔw w’awofo ano wɔ temple ekyir no na wɔwoo wo), anaa bia wɔsɔɔw wo ano kãa w’awofo ho wɔ temple ekyir no a wɔsɔɔw hɔn ano bɔɔ mu wɔ temple. Gyinabew kor biara mu no, wo nhyira horow no da ho dzi mu mpo sɛ w’awofo yɛ nsanmuyi gyaa awar na wɔma wɔtsetsew hɔn nsɔwano no mu a.
W’awofo hɔn nsanmuyi horow no nnya nsunsuando wɔ wo nhyira horow do. Dza ohia nye dɛ ebɔkɔ do ayɛ nokwafo na ahwehwɛ temple nhyira horow no ama woho. Ɔfa w’ebusua nkitahodzi ho no, ɔsɛ dɛ “inya awerɛhyɛmu wɔ Ewuradze mu na ehwehwɛ N’awerɛkyekyer,’’ a inyim dɛ “Ɔsor Egya bɔhwɛ no pefee dɛ nyimpa kor biara benya nhyira a n’apɛdze na nsanmuyi horow no bɛma ho kwan.’’
Nkorɔfo a wowu ahokum owu no ebɛnadze to hɔn?
Yennyim dza ɔto nkorɔfo a wowu ahokum owu, na yennkotum ebua hɔn atsɛn (ewiei no, dɛmara dɛ nkorɔfo nyinara). “Adɔfo, baanodzifo, na hɔn a wɔawea hɔn mbɔdzembɔ apapa mmfa ho no, ahokum owu nnyɛ dza aber nyina wotum siw ho kwan. …
“Ɔnnyɛ dza ɔtsen ma nyimpa dɛ obeyi ɔnoara no nkwa efi hɔ. Naaso, Nyankopɔn nko na otum bu nyimpa n’adwendwen, ndzeyɛɛ, na nkontaabu ne pɛnpɛndo atsɛn (hwɛ 1 Samuel 16:7; Nkyerɛkyerɛ na Ahyɛmudzi 137:9). …
“Hɔn a hɔn adɔfo nam ahokum owu do efi mu no botum enya enyidado na ayarsa wɔ Jesus Christ na No Werdambɔ no mu.’’
© 2025 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛasee ngye ntomu: 6/19. Bosoom Bosoom For the Strength of Youth Amandzɛɛbɔ, Ayɛwoho 2025. ne nkyerɛase. Fante. 19618 502