Bosoom Bosoom Ma Mbabun Enya Ahoɔdzen Amandzɛɛbɔ, Obiradzi 2025
Mibesi dɛn bohu dɛ meenya nnuhu ampara na bɔnfakyɛ?
Coming Full Circle, Jenedy Page yɛɛ nsaano mfonyin
Ewuradze aka dɛ ”Hwɛ, nyia oenu noho wɔ no bɔn ho no ɔno na wɔdze no bɔn akyɛ, na Emi, Ewuradze, merennkaa no bio.
“Ɔnam iyi do na hom bohu dɛ sɛ nyimpa no enu noho wɔ no bɔn ho a—hwɛ, ɔbɛkã no bɔn no akyerɛ na ɔatwe noho efi ho” (Nkyerɛkyerɛ na Ahyɛmudzi 58:42–43).
Ɔnam nokwar nnuhu do no, yebotum enya bɔnfakyɛ. ”Sɛ etse awerɛkyekye nkã fi Sunsum no hɔ a, ibotum ehu dɛ Agyenkwa no werdambɔ tum no reyɛ edwuma wɔ ɔabrabɔ mu.” Na sɛ yɛfom bio a, yebotum enya nnuhu, enya bɔnfakyɛ, na yɛakɔ do.
Bio, Elder Dieter F. Uchtdorf a ɔkã Asomafo Duebien no hɔn Quorum ho no akyerɛkyerɛɛ dɛ: “Satan bɛma yɛadwen dɛ yennya bɔnfakyɛ osiandɛ yɛda ho kae. Satan yɛ ɔtoro. … Nyankopɔn ammbɔ anohoba dɛ yɛnnkaa hɛn bɔn bio. Yɛrekaa bɔboa ma yekwetsir dɛ yɛbɛyɛ mfomdo noara bio. Na sɛ yɛkɔ do tsena nokwar mu na yɛyɛ anokwafo a, hɛn bɔn ho nkaadze bɔgow mber mu.
© 2025 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛasee ngye ntomu: 6/19. Monthly For the Strength of Youth Message, Obiradzi 2025ne nkyerɛase. Fante. 19629 502