Zaj Lus hauv phau Ntxiv Dag Zog rau cov Tub Hluas Ntxhais Hluas Txhua Hli, Peb Hlis Ntuj 2025

Peb yuav ua li cas kom nyob hauv lub ntiaj teb no tiam sis “muab tej yam ntawm lub ntiaj teb no tso tseg”?

Cov Thwj Tim uas Nws Tau Xaiv, los ntawm Casey Childs

Tus Tswv tau hais tias, “Koj yuav tsum muab tej yam ntawm lub ntiaj teb no tso tseg, thiab nrhiav tej yam ntawm ib qhov chaw uas zoo dua.” (Lus Qhuab Qhia thiab Kev Khi Lus 25:10). Qhov no tsis yog hais tias peb tsis quav ntsej tej yam uas peb yuav tsum tau ntawm sab cev nqaij daim tawv, tiam sis qhov no txhais tias peb tsis txhob tso siab rau kev nplua nuj, hwj chim, koob meej, los sis neeg ntiaj teb txoj kev pom zoo. No yog ob peb lub ntsiab cai uas tau qhia rau peb txog kev ua neej nyob hauv lub ntiaj teb:

Tso tej yam ntawm Vajtswv ua ntej. “Xub nrhiav Vajtswv lub nceeg vaj, thiab nws txoj kev ncaj ncees” (Mathais 6:33). Nyob hauv peb lub siab thiab peb lub neej, Vajtswv cov lus txib thiab peb tej kev khi lus nrog Nws yuav tsum yog qhov tseem ceeb tshaj.

Nrhiav kev kawm. “Thaum koj kawm txog lub ntiaj teb ib puag ncig koj, kawm txog tus Cawm Seej thiab. … Nej yim kawm ntxiv, nej yim yuav pab txhim tsa Vajtswv lub nceeg vaj thiab yuav ua zoo rau lub ntiaj teb” (Ntxiv Dag Zog rau cov Tub Hluas Ntxhais Hluas: Phau Ntawv Coj Kev Pab Neeg Xaiv [2022], 31, 32).

Ua hauj lwm. “Ib lub ntsiab cai ntawm txoj moo zoo uas tseem ceeb heev yog kev ua hauj lwm. Qhov ntawd pab peb loj hlob thiab ua zoo zuj zus. … Tus Tswv tsis xav kom peb rau siab pab peb tsev neeg xwb tiam sis ‘yuav tsum mob siab ua tej yam zoo’ [Lus Qhuab Qhia thiab Kev Khi Lus 58:27]” (“Employment,” Topics and Questions, Txoj Moo Zoo cov Ntawv).

© 2025 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, March 2025. Hmong. 19628 295