Har Mahine Ka For the Strength of Youth Sandesh, March 2025

Kaise hum is duniya me jeeye bhee aur “is duniya kee cheezon ke nahi ho jaae”?

The Disciples Whom He Had Chosen [Woh Chelein Jo Unhonne Chune The], Casey Childs dwara

Prabhu ne kaha, “Is sansaar kee cheezon ko tyaag kar, behtar cheezon kee khoj karo” (Doctrine and Covenants 25:10). Iska matlab yeh nahi hai ki hum apni saansaarik aur bhaotik(material) zarooraton ko nazar andaaz kar dein, lekin iska matlab yeh hai ki hum apna dil dhan, shakti, padh, ya duniya ki manzuri par naa lagae. Yahan kuch siddhaant diye gaye hai jo hamein duniya me jeene ke baare me sikhaae gaye hai:

Parmeshwar kee cheezon ko pehle rakkho. “Pehle raajye, aur Parmeshwar aur Uski dhaarmikta ki khoj karo” (Matthew 6:33). Hamare dilon aur hamare jiwan me, Parmeshwar ki aagyaaen aur uske saath hamari vachanein hamare liye mukhye hai.

Seekhne ki koshish karein. “Jaise-jaise aap apne aas-paas ki duniya ke baare me seekhte hai, Rakshak ke baare me bhee seekhein. … Jitna zyaada aap seekhte hai, utna hee aap Parmeshwar ke raajye ka nirmaan karne aur duniya ko achche ke liye prabhaawit karne me madad kar sakte hai” (For the Strength of Youth: A Guide for Making Choices [2022], 31, 32).

Kaam karein. “Kaam susamachaar ka ek zaroori siddhaant hai. Yeh vikaas ko badhaawa deta hai aur hamein viksit karta hai. … Prabhu na sirf yeh chahate hai ki hum apne pariwaaro ke liye pradaan kare, balki ‘ek achche kaaran me utsukta se lage rahein’ [Doctrine and Covenants 58:27]” (“Employment,” Topics and Questions, Gospel Library).

© 2025 Intellectual Reserve, Inc. dwara. All rights reserved. USA me chaapa gaya. Angrezi swikriti: 6/19. Anuwaad swikriti: 6/19. Monthly For the Strength of Youth Message, March 2025 ka anuwaad. Hindi, Fiji. 19628 298