Mukenji wa ku ngondu Bua Dikankamika dia Bansonga, Ngondu Muibidi 2025
Diambuluisha dia ku Mushimi Muakana
Nansha bionsu biwudi uluangana nabi, Yezu Kilisto neakuambuluisha bu muwudi ukudimuka kudiye.
The Pattern (Tshilejilu), kudi Jeanette Bourup
Mu bikondu ne misangu mikuabu, tudi bonsu dijinga ne diambuluisha dikesa. Mikuabu misangu diambuluisha dinena . Bulelela budi ne, moyo udi upita bimpa patudi katuyi tusua kuenza bintu anu nkayetu.
Yezu Kilisto udi mushimi weba muakana wa diambuluisha, ditekemena, ne bukola. Udi kabidi mua kukuambuluisha bua kukukudimuna bua biakana—kumisangu, mu mishindu iwudi kuyi nansha wela meji ne bidi mua kukumbana.
Dishintuluka dia Mutshima
Ukatu musambila bikola bua Nzambi atekesha mitshima ya bena lukuna beba anyi? Biobi nanku, udi mu tshiawu tshimpa (tangila 3 Nefi 12:44; Moloni 7:48). Nansha wewa kuyi ne bena lukuna amu mu miaku ya Mukanda wa Molomo (bena lukuna baluata biluilu bia mvita ne bapuipi bua kubunda), ukatu misangu mikuabu musambila bua Nzambi atekesha mutshima wa muntu uvua kayi mukuteka bimpa.
Kadi ukatu bieba muela meji bua kusambila ne kulomba Nzambi bua atekesha mutshima weba anyi? Ku misangu udi upitshila mu bikondu bikola bua kubuikidila muntu. Anyi udi utungunuka ne kuenza malu mu tshiji ne dipanga didikanda, nansha wewa kuyi mujinga kutshienza. Anyi udi mujinga bua kuikala ne lusa kudi bakueba nansha koku bintu bidi bikutonda misangu mikuabu.
“[Yezu Kilisto] neashintulula mutshima weba ne moyo weba. Ku kakesa kakesa, neutanta ne ulua mudiye. Dituangaja dia tshipungidi tshieba nenda nedikutuadila dipeta dinena ku bukola buenda” (Bua Dikankamika dia Bansonga: Buludika bua Kuenza Masungula [2022], 8, diumvuija dikumbaja).
Etshi ki mmulayi munena anyi? Nansha bionsu biwudi uluangana nabi, nansha moyo webe nkayeba, Yezu Kilisto udi mua kukuambuluisha. Mushindu kayi uwudi mua kukudimuka kudiye lelu?
© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, February 2025.. Tshiluba. 19621 760