Ամենամսյա Երիտասարդներին զորացնելու համար ամսագրի ուղերձ, փետրվար 2025
Օգնություն կատարյալ աղբյուրից
Անկախ նրանից, թե ինչ դժվարությունների եք դեմ առնում, Հիսուս Քրիստոսը կօգնի ձեզ, երբ դուք դիմեք Նրան:
Օրինակը, Ջանեթ Բորուփ
Ժամանակ առ ժամանակ մենք բոլորս կարիք ենք ունենում մի փոքր օգնության: Երբեմն մենք մեծ օգնության կարիք ունենք։ Ճշմարտությունն այն է, որ կյանքը սովորաբար շատ ավելի լավ է ընթանում, երբ չես փորձում միայնակ քայլել:
Հիսուս Քրիստոսը ձեր օգնության, հույսի և ուժի կատարյալ աղբյուրն է: Նա կարող է նաև օգնել ձեզ փոխվել դեպի լավը, միգուցե նույնիսկ այնպիսի ձևերով, որոնք հնարավոր չէիք համարում:
Սրտի փոփոխություն
Երբևէ աղոթե՞լ եք, որ Աստված փափկացնի ձեր թշնամիների սրտերը: Եթե այո, ապա իմացեք, որ դուք մենակ չեք (տես 3 Նեփի 12․44, Մորոնի 7․48)։ Նույնիսկ եթե դուք չունեք թշնամիներ այն իմաստով, որը Մորմոնի Գրքում է (թշնամիներ զինված և պատրաստ հարձակման), դուք հավանաբար աղոթել եք, որ Աստված փափկացնի մեկի սիրտը, ով ձեզ հետ լավ չի վերաբերվում:
Բայց երբևէ աղոթե՞լ եք և խնդրել Աստծուն, որ փափկացնի ձեր սիրտը: Գուցե դուք դժվարանում եք ինչ-որ մեկին ներել: Կամ դուք շարունակում եք կորցնել ձեր ինքնատիրապետումը, չնայած չեք ցանկանում: Կամ դուք ցանկանում եք ավելի բարի լինել ձեր եղբայրների և քույրերի նկատմամբ, չնայած այն հանգամանքին, որ նրանք երբեմն նյարդայնացնում են ձեզ:
«Հիսուս Քրիստոսը կփոխի ձեր սիրտը և ձեր կյանքը: Դուք կամաց-կամաց կաճեք ու ավելի շատ կնմանվեք Նրան: Նրա հետ ունեցած ձեր ուխտի կապը ավելի մեծ հասանելիություն կբերի դեպի Նրա զորությունը» (Երիտասարդներին զորացնելու համար. ուղեցույց ընտրություն կատարելու համար [2022], 8, շեշտադրումն ավելացված է)։
Մի՞թե դա մեծ խոստում չէ: Անկախ նրանից, թե ինչի դեմ եք պայքարում, նույնիսկ ձեր սեփական սրտի, Հիսուս Քրիստոսը կարող է օգնել: Ինչպե՞ս կարող եք այսօր դիմել Նրան:
© 2025 by Intellectual Reserve, Inc. All rights reserved. Տպագրված է ԱՄՆ-ում։ Անգլերենի հաստատումը. 6/19։ Թարգմանության հաստատումը. 6/19։ Monthly For the Strength of Youth Message, February 2025-ի թարգմանությունը։ Armenian. 19621 201