Zaj Lus hauv phau Ntxiv Dag Zog rau cov Tub Hluas Ntxhais Hluas Txhua Hli, Ob Hlis Ntuj 2025
Kev Pab Los ntawm Ib Tug uas Zoo Tag Nrho
Txawm yog koj raug teeb meem dab tsi los, Yexus Khetos yuav pab koj thaum koj tig mus rau nws.
Tus Txheej Txheem, los ntawm Jeanette Bourup
Tej lub sij hawm peb txhua tus xav tau kev pab me ntsis. Tej lub sij hawm peb xav tau kev pab ntau heev. Tiag tiag mas, yus lub neej yeej zoo dua thaum yus tsis ua yus ib leeg xwb.
Yexus Khetos yog tus uas zoo tag nrho uas muab kev pab, kev cia siab, thiab lub dag zog rau koj. Nws kuj pab tau koj hloov los ua neeg zoo dua—tej zaum koj yuav hloov tej yam uas koj xav tias koj hloov tsis taus.
Kev Hloov Siab
Koj puas tau thov Vajtswv kom koj cov yeeb ncuab yuav muaj lub siab mos muag? Yog koj ua li ntawd, koj koom nrog lwm tus uas yog neeg zoo thiab (saib 3 Nifais 12:44; Maulaunais 7:48). Txawm yog koj tsis muaj yeeb ncuab zoo li cov neeg hauv Phau Ntawv Maumoos (xws li, cov yeeb ncuab uas muaj cuab yeej thiab xav tawm tsam koj), nyaj koj twb thov Vajtswv kom ib tug uas tsis ua zoo rau koj yuav muaj ib lub siab mos siab muag.
Tiam sis koj puas tau xav tias koj yuav thov Vajtswv kom ua rau koj lub siab mos muag? Tej zaum nyuaj rau koj zam txim pub rau lwm tus. Los yog koj chim siab ntau, txawm yog koj tsis xav chim hlo li. Los yog koj xav ua siab dawb siab zoo rau koj cov kwv tij nus muag thaum lawv ua meem txom koj.
“[Yexus Khetos] yuav hloov koj lub siab thiab koj lub neej. Ib qho ntxiv rau ib qho, koj yuav loj tuaj thiab hloov los ua neeg zoo li Nws. Qhov uas koj tau nrog Nws khi lus yuav ua rau koj txais tau Nws lub hwj chim ntxiv” (Ntxiv Dag Zog rau cov Tub Hluas Ntxhais Hluas: Phau Ntawv Coj Kev Pab Neeg Xaiv [2022], 8, ntxiv qhov uas ntawv qaij).
Nov puas yog kev cog lus tseem ceeb kawg? Txawm yog koj muaj teeb meem dab tsi, tsis hais muaj teeb meem ntawm koj lub siab los, Yexus Khetos pab tau koj. Koj yuav ua li cas kom tig mus rau Nws hnub no?
© 2025 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, February 2025. Hmong. 19621 295