Bosoom bosoom Ma Mbabun Enya Ahoɔdzen Amandzɛɛbɔ, Kwakwar 2025
Mboa fi Fibea a Odzi Mu
Aperdzi biara a ɔrokõ etsia wo biara no, Jesus Christ bɔboa wo ber a edan kɔ No hɔ.
The Pattern [Nhwɛdo no], Jeanette Bourup yɛe
Mber bi mu no hɛn nyinara hia mboa kakra. Ɔtɔfabi a mboa pii. Nokwar no nye dɛ, abrabɔ taa kɔ yie papa sɛ ammper dɛ ɔwo nko bɔkɔ wo kwan a.
Jesus Christ nye wo mboa, enyidado, na ahoɔdzen fibea a odzi mu. Obotum so aboa wo ma asesa abɛyɛ papa yie—bia wɔ akwan ahorow mpo a anndwen dɛ ɔbɛyɛ yie mu.
Akoma mu Nsakyer bi
Ana abɔ mpaa da dɛ Nyankopɔn ngow w’atamfo hɔn akoma a? Ɔtse dɛm a, nna nyimpa apapafo binom so kã wo ho (hwɛ 3 Nephi 12:44; Moroni 7:48). Sɛ mpo innyi atamfo wɔtse dɛ Mormon Nwoma mu dze no a (tse dɛ atamfo a wɔdzedze akõdze a wɔayɛ krado dɛ wobotu ahyɛ wo do), bia na abɔ mpaa dɛ Nyankopɔn bɔgow obi a ɔrennye wo nndzi no yie no n’akoma.
Naaso ana adwen ho da dɛ ebɔbɔ mpaa na aserɛ Nyankopɔn dɛ ɔngow ɔwo w’akoma? Bia iridzi aper dɛ edze obi no bɔn bɛkyɛ no. Anaa wo bo taa fuw, mpo ber a mmpɛ no dɛm. Anaa epɛ dɛ inya ayamuyie atsenkã yie ma wo nuanom mpo dɛ ɔtɔfabi a wɔhyɛ wo ebufuw.
“[Jesus Christ] bɛsesa w’akoma na w’abrabɔ. Nkakrankakra, ibenyin na abɛyɛ dɛ mbrɛ Ɔtse no ara yie. W’ahyɛmudzi nkitahodzi a enye No wɔ no bɛma wo kwan kɛse yie wɔ No tum ho”(For the Strength of Youth: A Guide for Making Choices [2022], 8, woetsĩ mu akã ho).
Ana ɔno nnyɛ anohoba a ɔso? Dza iridzi ho aper biara no, ɔwoara w’akoma mpo ho, Jesus Christ botum aboa. Ibesi dɛn botum adan akɔ No hɔ ndɛ?
© 2025 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, February 2025 ne nkyerɛase. Fante. 19621 502