“Peb yuav ua li cas kom koom siab koom ntsws yog peb sib txawv heev?,” Ntxiv Dag Zog rau cov Tub Hluas Ntxhais Hluas, Kaum Hli Ntuj. 2024.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Kaum Hli Ntuj 2024
Peb yuav ua li cas kom koom siab koom ntsws yog peb sib txawv heev?
Peb sawv daws sib txawv. Tiam sis tus Tswv xav kom peb “ua ib lub siab” (Lus Qhuab Qhia thiab Kev Khi Lus 38:27). Ntawm no yog ob peb lub ntsiab cai txog kev koom siab uas cov yaj saub thiab cov thwj tim tau qhia rau peb:
Peb koom siab nrog Yexus Khetos, Nws txoj moo zoo thiab Nws lub Koom Txoos. “Yog los ntawm Yexus Khetos thiab peb txoj kev tso siab rau Yexus Khetos thiab txoj kev hlub Nws xwb peb thiaj li muaj kev cia siab tias peb yuav koom ib lub siab.”
Yuav tsum muaj kev hlub thiaj koom siab tau. “Txawm yog muaj ntau yam lus thiab cov kab lig kev cai zoo heev los, peb kuj yuav tsum koom siab koom ntsws thiab muaj kev hlub.”
Kev koom siab tsis yog kev ua neeg zoo tib yam. “Kev koom siab thiab kev sib txawv tsis yog ob qho fab ntxeev. Peb yeej yuav koom siab koom ntsws thaum peb txais yuav txhua tus thiab saib kev sib txawv rau nqi.” “Kev koom siab tsis yuam kom txhua tus sib luag zos, tiam sis yeej yuav tsum nyob sib haum xeeb.”
Yuav tsum muab kev sib cav sib ceg thiab kev ntxub ntxaug tshem tawm thiaj li yuav muaj kev koom siab. “Muaj chaw rau txhua leej txhua tus. Tiam sis, yeej tsis muaj chaw rau kev ntxub ntxaug, kev rau txim, los sis kev sib cav sib ceg hlo li.”
© 2024 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, October 2024. Hmong. 19344 295