For the Strength of Youth Har Mahine Ka Sandesh, February 2024

2 Nephi 5

Kya Main “khushee ke tareeke ke anusaar” jee raha hoon?

Eric D. Snider dwara

Girjaghar ke Patrikaaen

Yahaan aapke liye kuchh vichaar diye gaye hain jis tarah se Nephi ne kaha tha ki uske log rahate hain.

yuva

Alyssa Gonzalez dwara chitran

Lamanites se alag hone ke turant baad, Nephi ne kaha ki uske log “khushee ke tarike ke amusaar jeete hai.” (2 Nephi 5:27). Yah maante hue ki logon ka ek aur samooh tha jo unhen maarna chaahata tha (dekhiye 2 Nephi 5:1–6, 14), yah aashcharyajanak ho sakta hai. Aisee paristhiti mein koee kaise khush rah sakta hai?

Pahele toh, note karen “ham khushee ke tareeke ke anusaar jeete the” ya arth nahin hain “sabhee Nephi kush the chaobeeso ghante [24/7].” Iska matlab hai ki ve us tarah se rahate the, aur us tarah ke kaam karte the, jis se aam taur par khushee miltee thee. Kul milaakar, unkee chunautiyon ke baavjood, yah ek khushee ka samay tha.

Toh kya hain “khushee ke tareeke ke anusaar”? Ham ise apne jeevan mein kaise dohra sakte hain, jismen chunautiyaan bhee hain? Aao dekhe!

• Aagyakaari bano. “Hum ne dekha … Prabhu kee aagyaaon ka paalan ho raha hai” (2 Nephi 5:10).

  Susamaachaar ko jeena Step 1 hain. Aap paap mein asthaayee roop se khush ho sakte hain, lekin yah sthaayee nahin rahega. Jaanboojhkar Bhagvaan kee avagya karna “khushee ka tareeka” nahin hai (dekhiye Alma 41:10).

• Dharamshaastr mein khojein. “Mai, Nephi, peetal kee pleton par khude hue … abhilekhon ko laaya tha” (2 Nephi 5:12). “Hum ne … unkee khoj kee aur paaya ki ve achche the; haan, yahaan tak ki hamaare liye bahut moolyavaan bhee” (1 Nephi 5:21).

  Nephi ke logon ke paas dharamshaastr the. Aur ve sirph unke paas hee nahi the —unhonne talaashaa use.

• Prerit netaon ko sunein. “Mai, Nephi, ne Jacob aur Joseph ko pavitr kiya, ki ve mere logon ke … priests aur teachar banein” (2 Nephi 5:26).

  In teacharon ne shaastron ko apne maargdarshak ke roop mein upyog kiya (dekhiye 2 Nephi 4:15; 6:4).

• Mandir jaao (aur sabhee pavitra jageh). “Mai, Nephi, ne ek mandir banaaya” (2 Nephi 5:16).

  Shishyon ke ikattha hone aur pooja karne ke liye sabhaagharon aur mandiron jaise pavitr sthaano ka hona mahatvapoorn hai. (Ham maan sakte hain ki Nephites ke paas sirph ek mandir nahin tha—unhonne vaastav mein iska upyog kiya.) Yadi aap vyaktigat roop se kisee mandir mein nahin jaa sakte, toh aap hamesha paarivaarik itihaas ka kaam kar sakte hain.

• Utpaadak banein. “Mai ne apne logon ko imaaratein banaana aur kaam karna sikhaaya. … [Mainne] apne logon ko mehnatee banaaya, aur unke haathon se kaam karaaya” (2 Nephi 5:15, 17).

  “Khushee ke tareeke” ka ek hissa kuchh karna hota hai! Ek kaaryabhaar, ek kaam, ek jimmedaaree—kuchh aisa jo aapko focas aur uddeshy deta hai (nishchit roop se aaraam karne ke liye uchit samay ke saath). Yeh har waqt hum sab pe laagu hai.

Kya aap kahenge ki aap vartamaan mein khushee ke tarike ke anusaar jee rahe hain? Yadi nahin, to shaayad Nephi ka uddhaaran aapko sudhaar karne ke kuchh vichaar de sakta hai.

© 2024 Intellectual Reserve, Inc. dwara. All rights reserved. USA me chaapa gaya. Angrezi swikriti: 6/19. Anuwaad swikriti: 6/19. Monthly For the Strength of Youth Message, February 2024 ka anuwaadLanguage. 19276 298