Tū’ati
Flavia C.
19, Buenos Aires, Rāparata
Hōho’a nā Christina Smith
’Aita i maoro a’enei ’ua mutu tō’u ’āvae i roto i te hō’ē ’ati pere’o’o auahi.
Tē pārahi ra vau i roto i te pere’o’o auahi i tō’u ’itera’a i tā’u niuniu i te maherera’a i tō’u rima—’ua ’eiā te hō’ē ta’ata iā’u. Ma te feruri ’ore, ’ua tāpapa atu vau i te ta’ata nā roto i te pere’o’o auahi ’aita e ’ōpani. ’Aita vau i pāpū maita’i i te mea tei tupu, i muri noa mai rā tei raro a’e au i te pereo’o auahi, e tuō ra i te tauturu.
’Ua ara mai au i roto i te fare ma’i tau mahana i muri mai. ’Ua ha’api’i mai au ē ’ua mutu tō’u ’āvae ’atau. I tō’u fa’aeara’a i te fare ma’i, ’ua ta’i au e rave rahi taime. Terā rā, tei pīha’i iho noa tō’u ’utuāfare, tō’u mau hoa ’e te ’utuāfare o te ’Ēkālesia iā’u, nō te tauturu iā’u.
’Ua ’ite au ē ’ua tauturu ato’a mai te Metua i te ao ra ’e ’o Iesu Mesia iā’u. Hou te tāpūra’a tāta’itahi, e pure tāmau noa vau iho ’ia tupu maita’i te mau mea ato’a ’e ’eiaha vau e mata’u. I te mau taime ato’a ’ia ’ite au i te tīa’ira’a ’ore i roto iā’u, tei reira te Fatu.
Tē tāmau noa nei vau i te maita’i ā ’e tē tūtava nei i te haere i mua ma te tauturu a te Fa’aora.