Go Stret long Poen

?Olsem wanem nao yumi laef long wol ia mo “livim ol samting blong wol ia”?

Ol Disaepol we Hem I Bin Jusum, i kam long Casey Childs

Lod i bin talem se, “Yu yu mas livim ol samting blong wol ia oli stap long saed, mo yu yu lukaotem ol samting blong wan wol we i moa gud” (Doktrin mo Ol Kavenan 25:10). Hemia i no minim se yumi no wantem save long ol materiol nid blong laef ia, be i minim se yumi no putum ol hat blong yumi long ol rij samting, paoa, posisen, o wanem we wol i apruvum. Hemia sam prinsipol we oli tijim yumi abaot stap laef long wol ia:

Putum ol samting blong God fastaem`. “Fastaem yufala i mas lukaot gud blong obei long God we i king blong yufala, mo blong folem ol stret fasin blong Hem” (Matiu 6:33). Long ol hat mo laef blong yumi, ol komanmen blong God mo ol kavenan blong yumi wetem Hem oli ol fas samting.

Lukaotem blong stap lanem samting. “Taem yu lanem abaot wol we i stap raon long yu, lanem tu abaot Sevya. … Moa yu lanem samting, moa yu save help blong bildim kingdom blong God mo mekem wol i kam gud” (Blong Ol Yut Oli Kam Strong: Wan Gaed blong Stap Mekem Ol Joes [2022], 31, 32).

Wok. “Wok i wan impoten gospel prinsipol. Hem i developem mo mekem yumi gro. … Lod i no wantem yumi wok nomo from ol famli blong yumi nomo be blong ‘mas wok wetem strong tingting long wan gud wok’ [Doktrin mo Ol Kavenan 58:27]” (“Employment,” Topics and Questions, Gospel Library).