Վախենո՞ւմ եք ապաշխարությունից

Ջեսիկա Զոյ Սթրոնգ

Եկեղեցու ամսագրեր

Ըստ Նախագահ Ռասսել Մ. Նելսոնի՝ ահա թե ինչու դուք չպետք է վախենաք:

Ինչի՞ց եք դուք վախենում: Հեծանվային վազքուղիների՞ց: Մաթեմատիկայի դասարանի՞ց: Եսայիային հասկանալո՞ւց։

Ի՞նչ կասեք ապաշխարությանմասին: Եթե ապաշխարելու մտքից դուք ցանկանում եք թաքնվել ծածկոցի տակ կամ չափից շատ շոկոլադ ուտել, այս հոդվածը ձեզ համար է:

«Խնդրում եմ, մի վախեցեք և մի հետաձգեք ապաշխարությունը»,- ասել է Նախագահ Ռասսել Մ. Նելսոնը: Եվ լավ պատճառով: Ահա մի քանի բան, որն ըստ նախագահ Նելսոնի, ապաշխարություն է և ապաշխարություն չէ:

Երիտասարդ տղամարդը չափազանց մեծ օրացույցի հետ

Ապաշխարությունը ամեն օր բարեփոխվելու ուղի է:

Ապաշխարությունը հազվադեպ իրադարձություն Չէ «մեծ» մեղքերի համար:

«Զգացեք ամենօրյա ապաշխարության ամրապնդող զորությունը՝ ամեն օր գործելով և լինելով մի փոքր ավելի լավը։

Երբ ընտրում ենք ապաշխարել, մենք ընտրում ենք փոխվել։… Մենք թույլ ենք տալիս Փրկչին՝ վերափոխելու մեզ՝ դարձնելով մեզ մեր անձի լավագույն տարբերակը: …

… Տերը մեր հավերժական առաջընթացի այս ժամանակահատվածում մեզնից կատարելություն չի ակնկալում։ Բայց Նա ակնկալում է մեզանից, որ մենք դառնանք չափազանց մաքուր»:

աղջիկը և տղան ուրախությունից թռչկոտում են

աղջկա ձեռքերը ցույց են տալիս սրտիկի պատկեր

Ապաշախարությունը օրհնություն է Երկնային Հորից և Փրկչից, ովքեր սիրում են մեզ:

Ապաշխարությունը պատիժ ՉԷ:

«Շատ մարդիկ ապաշխարությունը դիտարկում են որպես պատիժ, մի բան, որից պետք է խուսափել, բացառությամբ՝ առավել լուրջ հանգամանքներում: Սակայն պատժի ենթարկվելու այս զգացումը առաջացնում է սատանան: Նա փորձում է խանգարել մեզ ապավինել Հիսուս Քրիստոսին, ով կանգնած է գրկաբաց՝ հուսալով և ցանկանալով բժշկել, ներել, մաքրել, զորացնել, մաքրագործել և սրբացնել մեզ»։

Դուք անհրաժեշտ եք Տիրոջ Եկեղեցում:

Դուք շատ հեռու ՉԵՔ գնացել, որ չապաշխարեք:

«Եթե դուք զգում եք, որ ուխտի ճանապարհից մոլորվել եք հեռուներում կամ մոլորվել եք երկար ժամանակ և չունեք հետդարձի ճանապարհ, դա պարզապես ճիշտ չէ: Հիսուս Քրիստոսի Քավության շնորհիվ ձեր ապագան կարող է պայծառ լինել` նույնիսկ փայլուն: Դուք նաև կարող եք խոսել ձեր եպիսկոպոսի կամ ճյուղի նախագահի հետ: … Խնդրում ենք հետ եկեք դեպի ուխտի արահետի ուրախությունն ու ապահովությունը: Մենք ունենք ձեր կարիքը»:

երիտասարդը քայլում է Հիսուս Քրիստոսի հետ

Ընդունեք Աստծո կատարյալ պարգևը

Այսպիսով, պատրա՞ստ եք վստահել Փրկչին` ապաշխարությունից ձեր վախը հաղթահարելու համար: Դուք չեք զղջա:

Նախագահ Նելսոնն ասում է. «Քանի որ աշխարհը կարիք ունի փրկվելու, և քանի որ ես և դուք կարիք ունենք փրկվելու, [Երկնային Հայրը] ուղարկեց մեզ Փրկիչ:

… Եկեք ընդունենք Աստծո կատարյալ և թանկագին պարգևը: Եկեք նետենք մեր բեռները և մեղքերը Փրկչի ոտքերի մոտ և վայելենք ուրախությունը, որը գալիս է ապաշխարությունից և փոխվելուց»: