“A Mwaiti Kawai n Reiakinna,” Ibukin Kakorakoraia Kairake, Tianuare. 2024.
A Mwaiti Kawai n Reiakinna
Ko tangiria ni karaoa te aonaaba bwa e na tamaroa riki teutana? E moanaki ni kabane man reiakinana bwa e kangaa.
Kamataatan te tamnei iroun Dean Macadam
Tera ae karaoia reiakinan te koro ira ma katean te taura n te tabo n kamataku?
“Bon kanoan au babaire ni kabane,“ e taku Lisa, te kairake ni ikawai ngkai n ana moan ririki n te reirei ae rietata.
E moan reireinna Lisa ma katamaroaan te kun ao karaoan te ira ngke 16 ana ririki. E kunea naba te burokuraem are e karika uarereken reireina n te kauarinan bwa e aonga n reiakina te katamaroa n te kun ao te ira n te bwakantaai. Bukina ngkai e a reirei n are i aona riki ni kamatebwaia te rabakau ni mwakuri ma mitiin ake a kabonganaaki n te tabo ni kaotioti tiaki nanona bwa reiakinan te karao ira e aki mwakuri raoi, naba. Ni koauana, a bane n riki bwaai ake e iangoi bwa e na karaoi.
“I tangiria ni karekea te rabakau ae I konaa ni kabonganaa ni buoka kabwakaan roou n te kuura,” e taku Lisa. “Ao, e buokai naba ni beku ibukia aomata tabeman ao ni kawakina te mwane man te koro ira n te utu ni karokoa tokin maiu!”
Bukin Tera Ti Reiakinna
“Tamara are i Karawa e tangiriia Natina aine ma mwaane n reiakinaki n taainako.”1 Aikai tabeua mai buakon kawai aika a mwaiti bwa reiakinan bwaai n maium bon te kakabwaia ae bubura:
-
Ko kona riki ni katamaroa buokan ao reireinaia raoraom, utu, ao tabeman riki aomata.
-
Ko kona ni katamaroaa riki am beku n te Ekaretia ao am komiunite.
-
Ko na karekea riki te rabakau iaon te karekemwane ibukin te riki n toronibwai.
-
Ngkana ko mate ao ko kona n uota wanawanam ake iroum nakon te maiu are imwiina.
-
Ngkai ko kataneiai mwaaka ao n kammwakura kaburorom, e na teimatoa n marurung.
Ti Na Kanga N Reiakinna
I nanon Koroboki aika a tabu ti reiakinna bwa ti riai n “Ukoukora te rabakau, n te kamatebwai ao n te onimaki naba” (Reirei ao Berita aika Tabu 88:118; taraa naba 130:18). A bati riki ngkai aanga n reiakinaki nakon are mai imwaaina, n aron:
-
Waaki n reirei, n aron kuura n reirei, Iuniwetiri, ao reirei n karekean konabwai ma rabakau man baim.
-
Ukoukori rabakau “man booki aika moan te raoiroi taekaia” (Reirei ao Berita aika Tabu 88:118). Ko konaa naba ni karina aio, “bwaai ni ibuobuoki aika a reke man bwaai aika a maiu man te iti.”
-
Karekea te reirei mairouia raraom ao kaain te utu.
Iango ni Waaki ni Kakukurei! Karaoa “te reirei man kaibibitan rabakau” n te waaki ni kakukurei n te mwaanga ke te uoote. Ni kabane a roko ao n anga reirei n te bwai teuana ae a ataa aron karaoana.
-
Te tataro ao kamatebwaian koroboki aika a tabu.
-
Maeka ma te onimaki bwa ko na tau ni karekea ana iraorao te Tamnei ae Raoiroi, are “e na reireingkami bwaai ni kabane” (Ioane 14:26).
-
Kataakin bwaai, iangoan karaoan bwaai, ao te korakora. Tamaroan te ataibwai bon karekean riki reiakinan ae mwaiti ni katoabong. Ko kona n ikotia nakon te tabo ni kaikoa te ataibwai.
N ningai ae Ti Na Reiakinna
N tokina, bwa tao ko reiakina aron korean te ira n ai aron Lisa ke reiakinna bwa ko na kangaa ni karikirakea te roro ae rikirake ma bwaai n rabakau aika a boou, e kauring Beretitenti Nelson nakoira bwa iai n taainako te kabanea n tai ae raoiroi ibukin karaoan tibwanga akanne:
Eng, ti riai n reiakinaki man kanoan taai aika a nako, ao eng, ti riai ni katauraoi ibukin taai aika a na roko,” e reirei. Ma ti ngkai ae ti kona iai ni karaoia. Ngkai bon te tai ae ti konaa n reiakinna. … Ngkai bon te tai ni kakabwaiaia aomata.”2
Ngkai, imwiina. Tera ae ko kan reiakinna n te bong aei?