Ekkewe neeni me non ewe Pukufel

Gethsemane

Kaieo pwan usun porousen ewe neeni ikewe an ewe Chon Amanau riaffou a poputa fan itach.

A Nomw Ia?

Me won ewe chukutan Mount en Olif, me Ettiwen Jerusalem (ewe penimwanin me non ena sasing, a esisinino me ren efoch ira mi watte).

Chungan mapin Jerusalem a kawor meren Jim Madsen

Met A Nom Ikkewe?

Och nenien wonuwonen olif me menin och neenien ungungun olif.

Met Afis Ikei?

Murin ewe Saingon Mwongonap, Jises Kraist a feino fiti ekkewe engon me emon nein Noun kewe Aposel ngeni Gethsemane. Iwe a feino nepenien pwe epwe iotek me a nukei Peter, James, me John repwe eti I.

Iwe I “a poputa ne metekitek, me a fokkun chouno.” A apasa, “Nenukei a fokkun riaffou arap ngeni chok upwe ne mano” (Mark 14:33–34).

A ioteki, “Semei, Mettoch meinisin mi chok pwak reom: kopwe angei seniei ei kap: Nge esap netipei, nge netipom, epwe ponuweta.

“Emon chon nang a pwa ngeni o a apochokunata i.

“Non an riaffou wachemuk a fokkun achocho ne iotek, mwononan a chok usun supun cha a suputiw won ewe” (Luke 22:42–44).

Murin ei fansoun watten riaffou ewe chon Amanau mi nomw non, Judas a pwan afangamai o ares meren ekkewe meinnapen chon Jew me sounfiun Rome.

En Ka Sinei?

Ei tanipi me won ewe Chukun Olif iei och neeni Jises mei kan sou no ngeni (nengein Luke 22:39; John 18:2).

“Me non kapasen Aramaic, ei kapas gethsemane wewen pwe ‘ungungun olif.’”¹

Nupwen olif ra aewin apachach non eu ungungun olif, ewe oil a sopwutiw mi par, usun cha.

Me non fansoun ach chon Amanau, angangen foforin iwien olif ra kan apochokuna ar onguti en olif pwun epwe towu iwien meinisin:

1. Apachacha ekkan olif me fan efou fau mi watte.

2. Wanong ekkewe eneunen olif non pasikit, iwe ra wata me ra atettenata ekkewe pasikit.

3. Wata efoch watten ira ika sopwan ira won ekkewe pasikit.

4. Pwan wata ekoch fau me won ewe sopwun ira.²

Chon nomw ra kan aia olif oil ren nenen nour nam, iwien amwot, mwongo, sopw, fofforin angangen namanam, me iwien sefeien kinas.

Chomong ier me mwen an Kraist feito, emon chon nang a ereni King Benjamin usun an Kraist epwe riaffou me non Gethsemane, a apasa, “Cha a suk seni mononan meinisin, epwe fokkun napanap an riaffou” (Mosaia 3:7).

An ewe chon Amanau riaffou fan itach mi pachenong an riaffou me non Gethsemane pwan me won ewe irapenges, ikewe I a mano ie. A wata won Inisin ach tipis meinisin, metek, riaffou, sossot, semwen, me nipwakingaw (katton Alma 7:11–12).

Gethsemane, seni Michael Malm

Chechemeni Gethsemane

“Chechemeni, usun chok ewe inisin ewe olif, mi unguno faniten ewe oil mi awora saram, pwan iei usun an ewe chon Amanaw mei pwan unguno. Mi pupuno chaa seni meinisin won inisin ach Chon Angasano. … Nupwen omw kapen pwapwa mi uruno, chechemeni an ewe kapen maras minne a otufichi mettoch. Iwe nupwen epwe toruk sosot mi nap, chechemeni Gethsemane.”

Preseten Russel M. Nelson, ”Why This Holy Land?” Ensign, Dec 1989, 18.

© 2012 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiaku ren Porous ren Apochokunen Serafo, Iteiten maram, June 2023. Language. 19026 901

Esinesin

1. Emwen ngeni Pukufel, “Gethsemane.”

2. Katton D. Todd Christofferson, Oct. 2016 mwichenap (Ensign ika Liaona, Nov. 2016, 50).