“Wan Tes blong Fasin,” Blong Ol Yut Oli Kam Strong., Septemba 2022.
Ol Strong Fandesen we Oli No Save Muv
Ol Lata-dei Sent yut, oli stap bildimap laef blong olgeta long Strong Ston blong Ridima (luk long Hileman 5:12).
Wan Tes blong Fasin
Ol pikja i kam long Katie Payne
Hemia i no wanem we mi saen from. Mi agri blong helpem blong mekem gud fanis blong bubuwoman blong mi, wetem oel we bae i help blong protektem. Be taem dei i stap go,swet i ron daon long fes blong mi mo tingting blong wantem mekem samting ia i tanem i go long taet from san i hot tumas.
Mama blong mi talem se bae mi spel smol mo drink wota bifo mi gobak wok, be maot blong mi long, from tingting blong mi se bae mi stap harem nogud nomo olsem.
“Dallin, i no gat wan stret riwod blong gat wan gudfala tingting taem evri samting long laef i stap stap gud,” hem i talem. “Tru tes blong fasin mo tru riwod i stap kam taem yu save gat wan gudfala tingting nomata taem evri samting i nogud.”
Wan wik i pas, bubuman blong mi i askem sapos mi save putum oel long fanis blong hem. Fanis blong hem i moa longfala, mo mitufala i mas mekem long tugeta saed.
Naoia, mi gat strong tingting blong wok long fasin mo tingting blong mi, iven sapos wok ia i had tumas. Mitufala i statem eli, be i tru, i no longtaem mi stap tan long hot san ia. I luk olsem se wok ia bae i no gat en, taem mitufala i karem ol baket blong ol oel ia we i stak stak mo sting. Ol bus blong nidel gras long saedsaed blong fanis i stap stikim leg blong mitufala. Taem mi stap tingting long wanem we mama blong mi i bin talem, mi no komplen. Mi no givap. Mi traem blong wok gud mo traem blong stap gat gud tingting oltaem.
Taem mitufala i finis, mi lukluk long niufala fanis ia we mitufala i putum oel long hem, mo glad tumas long wanem we mitufala i bin mekem. Mi bin taet mo stak stak long oel, be mi save se bin pasem tu wan tes long saed blong tingting mo fasin blong mi. Mi bin lanem se mi save gat wan gudfala tingting mo fasin iven taem evri samting i no luk gud.
Dallin H., Oklahoma, YSA