“Ko e Fakataha Lahi ʻi he Langí,” Ki Hono Fakamālohia ʻo e Toʻu Tupú, Fēpueli 2022.
ʻOtu Lea ki he ʻOtu Lea
Ko e Fakataha Lahi ʻi he Langí
Naʻe mamata ʻa ʻĒpalahame ki he fakatahataha mai ʻa e ngaahi laumālié kimuʻa pea fanauʻi mai ha taha ki he māmaní.
fānau fakalaumālie
Fānau fakalaumālie ʻi he potufolofola ko ʻení ko e kakaí ia. Ko e fānau fakalaumālie ʻoku lau ki ai hení ko e fānau ia ʻa e ʻOtuá ʻi honau ngaahi sino fakalaumālié.
fakatupu ʻi he teʻeki ai ke ʻi ai ʻa e māmaní
Ko e kakai ne mamata ki ai ʻa ʻĒpalahamé naʻe fakatupu kinautolu ko e fānau fakalaumālie ʻa e ʻOtuá. Naʻe fakatahatahaʻi mai kinautolu ʻi ha Fakataha Lahi ʻi he Langí. Naʻe fakahoko ʻa e Fakataha ko ʻení kimuʻa pea ʻomi ha taha ki he māmaní. Ko e taimi ʻeni naʻe fakamatalaʻi ai ki he tokotaha kotoa pē ʻa e palani ʻa e Tamai Hēvaní ki he fakamoʻuí.
ʻeiki mo lahi
Ko ha konga ʻo e hoko ʻo ʻeiki mo lahí ʻoku ʻuhinga ia ke anga fakaʻeiʻeiki mo māʻoniʻoni pea mo fai ha lelei lahi. ʻOku kau ai hono fai e fanga kiʻi meʻa iiki mo faingofua kuo kole mai ʻe he ʻOtuá ke tau faí.1
kau pule
Ko e faʻahinga kau pule ʻoku lau ki ai ʻa e veesi ko ʻení ʻoku ʻikai ko ha ngaahi tuʻi pe kau palesiteni ia. Ko ha kau taki fakalaumālie ʻeni hangē ko e kau palōfitá mo e niʻihi kehe ʻoku ʻi ai hanau ngaahi uiuiʻi ke tokoni ki he fānau ʻa e ʻOtuá.
fili koe ʻi he teʻeki ai ke fanauʻi koé
Naʻe fili koe kimuʻa pea fanauʻi koé ke ke fakahoko ha fatongia mahuʻinga ʻi he ngāue ʻa e ʻOtuá. Ka kuo pau ke ke hokohoko atu ke fili ʻa e anga māʻoniʻoní kae lava ke ke maʻu ʻa e faingamālie ko iá.2