“Ang Konseho sa Langit,” Alang sa Kalig-on sa mga Kabatan-onan, Peb. 2022.
Pagtulon-an human sa usa ka Pagtulon-an
Ang Konseho sa Langit
Nakita ni Abraham ang nagpundok nga mga espiritu sa wala pa matawo si bisan kinsa dinhi sa yuta.
mga espiritu
Ang mga espiritu niini nga kasulatan mga linalang. Ang mga espiritu nga gihisgotan dinhi mao ang mga anak sa Dios nga adunay mga lawas nga espiritu.
binuhat sa wala pa matukod ang kalibotan
Ang mga linalang nga nakita ni Abraham gibuhat isip espiritu nga mga anak sa Dios. Gipundok sila diha sa usa ka Konseho sa Langit. Kini nga Konseho nahitabo sa wala pa mianhi sa yuta si bisan kinsang tawo. Mao kini ang higayon diin gipasabot ngadto sa tanan ang plano sa Langitnong Amahan sa kaluwasan.
mga halangdon ug bantogan
Kabahin sa pagkahimong halangdon ug bantogan nagpasabot nga mahimong madungganon ug mahiyason ug sa pagpahinabo og daghang kaayohan. Naglakip kini sa pagbuhat sa gagmay ug yano nga mga butang nga gihangyo sa Dios nga atong buhaton.1
mga magmamando
Ang mga matang sa mga magmamando nga gihisgotan niini nga bersikulo dili mga hari o mga presidente. Kini mao ang espirituhanon nga mga lider sama sa mga propeta ug uban kinsa gitawag sa pagserbisyo sa mga anak sa Dios.
napili sa wala pa ikaw matawo
Napili kamo sa wala pa kamo natawo aron mobuhat og importante nga tahas sa buhat sa Dios. Apan kinahanglan kamong magpadayon sa pagpili sa pagkamatarong aron makabaton niana nga oportunidad.2