“ʻOku fēfē nai ʻa e puleʻanga fakasilesitialé?” Ki Hono Fakamālohia ʻo e Toʻu Tupú, Siulai 2021, 31.
ʻAi Hangatonu
ʻOku fēfē nai ʻa e puleʻanga fakasilesitialé?
Nāunaú ʻi he Ngaahi Tuʻungá, tā ʻe Annie Henrie
Neongo ʻoku ʻikai ke tau maʻu kotoa e ngaahi fakaikiiki fekauʻaki mo e puleʻanga fakasilesitialé, kuo fakahā mai ʻe he ʻEikí ha ngaahi moʻoni mahuʻinga kau ki ai. Ko ha ngaahi meʻa ʻeni ʻe niʻihi ʻoku tau ʻilo:
-
Ko e ʻuhinga ʻo e nofo aí, ke nofo ʻi he ʻao ʻo e Tamai Hēvaní mo Sīsū Kalaisi ʻi ha sino haohaoa kuo toetuʻu pea moʻui ʻi he faʻahinga moʻui ʻokú Na maʻú. Ko e moʻui ko ʻení ko ha “tuʻunga fiefia ʻoku ʻikai hano ngataʻanga” (Mōsaia 2:41) mo ha “fiefia [ʻoku kakato]” (3 Nīfai 28:10).
-
Ko kinautolu ʻoku nofo aí, kuo “fakahaohaoaʻi [kinautolu] ʻia Sīsū,” pea “ʻoku ʻanautolu ʻa e ngaahi meʻa kotoa pē” (Tokāteline mo e Ngaahi Fuakava 76:59, 69).
-
ʻOkú ne maʻu ʻa e nāunau lahi taha ʻo ha faʻahinga puleʻanga. Ko hono nāunaú ʻoku tatau mo e ngingila ʻo e laʻaá.
-
Ko e faʻahinga vā fetuʻutaki ʻoku tau maʻu ʻi he moʻuí ni ʻe ʻi ai ia, kau ai e ngaahi vā fetuʻutaki fakafāmilí, ka te nau “ō fakataha mo e nāunau taʻengatá” (Tokāteline mo e Ngaahi Fuakava 130:2).
-
ʻOku ʻi ai ha ngaahi tuʻunga ʻe tolu. Ko e tuʻunga māʻolunga taha ia ʻoku nofo ai e kakai kuo silaʻi fakataha kinautolu ʻi he mali taʻengatá pea nau tauhi totonu ki heʻenau ngaahi fuakavá. (vakai ki he Tokāteline mo e Ngaahi Fuakava 131:1–4).
-
ʻE maʻu ʻe he māmaní ha nāunau fakasilesitiale (vakai ki he Tokāteline mo e Ngaahi Fuakava 88:17–20).