“Kawakinan Ara Berita Ibukin Kakorakoraia Kairake, Turai 2021, 32.
Kabanea n Taeka
Kawakinan Ara Berita
Man Okitobwa 2019 maungatabu ni kabuta.
Kamataata n te korotamnei iroun Emily Davis
Te tairiki teuana n au tai ni kairake I tekateka ma tinau I tabon ana kainiwene ao e taetae ma nanona ae koaua iaon kakawakin maiuakinan Tuan te Mauri. E tarai matau, ao I namakina ana taeka are e roota nanou ae moan te korakora: “Berita nakoiu, Ronnie, [ngkai e weteai bwa Ronnie], bwa ko na teimatoa ni maiuakina Tuan te Mauri.” I taua ma nanou ni karaoakin te berita aio nakoina, ao I a tia ni kawakin inanon ririki ni karokoa ngkai.
I a karaoa te baire ni moantaai ni irii ana tua te Atua, ao I aki manga baireia ni iangoia bwa N na kawakina te berita anne ke iaki. Te Uea e a tia n taku, “Ngai, te Uea, I bae ngkana kam karaoa ae I taku; ma ngkana kam aki karaoa ae I taku, akea te berita nakoimi.” (Reirei ao Berita aika Tabu 82:10).
Ngkai Ana Abotoro te Uea Iesu Kristo: I kaoko bwa ko na iangoa te berita ao te berita ae tabu ae ko karaoia ma te Uea, ao ma tabeman ma te etieti, n ataia bwa am taeka bon am moti n nano. I berita nakoim, ngkana ko karaoa aei, te Uea e na kakoroi mwiin am taeka ao ni katabua am mwakuri ngkai ko kekeiaki ni mwakuri korakora n aki kua ni katea maium, am utu, ao Ana Ekaretia Iesu Kristo ibukiia aika Itiaki ni Boong aika Kaitira. E na raoniko, ao ni kona, ma te koaua raoi, n ingainga ni “butimwaeaki mai karawa, ao [ko] na maeka ma te Atua n te aro ni kukurei ae aki totoki” (Motiaea 2:41).